بودەنەنىڭ قۇيرىعى نەگە قىسقا؟
بۇل بىلاي بولعان ەكەن. ەرتەدە مىناۋ، تومەن جاقتا ءبىر بيىك تاۋ بولىپتى. ول تاۋدان ءارى قاراي ەشبىر قۇس اسىپ وتە الماپتى. نەلەر ۇشقىر، قىران قۇستار تالاپتانىپ كورىپتى. ءبىراق، شامالارى كەلمەپتى.بۇركىتتىڭ ۇشقىش قىرانى كەلىپتى، اسا الماپتى. قىرعيدىڭ اتاقتىسى كەلىپتى، ول دا اسا الماپتى. ەڭ سوڭىندا «ەندى كىم قالدى؟» - دەگەندە، بودەنەدەن باسقانىڭ ءبارى سىننان ءوتىپ بىتكەن ەكەن. بودەنەنىڭ اتاقتىسى شاقىرىلىپتى.
- تاۋەكەل! - دەپ، بودەنە ۇشا جونەلىپتى. شىرقاپ كوتەرىلىپ بارىپ، تاۋدان ول دا اسا الماپتى. سونان سوڭ ىزالانعان بودەنە زىمىراپ قۇيىلعاننان قۇيىلىپ كەپ، تاۋدى كوكىرەگىمەن سوققان ەكەن دەيدى. سوندا ول تاۋدىڭ ار جاعىنا ءبىر-اق ءتۇسىپ كەتىپتى. مىنە، سودان بەرى قاراي بودەنە قونعاندا اياعىمەن قونبايدى، كوكىرەگىن جەرگە سوعا قونادى. ال، قۇيرىعى ناعىپ قىسقا دەسەك، الگى تاۋ تەسىگىنىڭ اراسىندا جۇلىنىپ قالىپ قويىپتى. ايتپەسە، بۇرىن بودەنەنىڭ قۇيرىعى قىرعاۋىلدىڭ قۇيرىعىنداي ۇزىن بولسا كەرەك.
ءسويتىپ، بيىك تاۋدان اسا الماعان قۇستار ءارى قاراي بودەنە تەسكەن تەسىكتەن اسىپ بارىپتى دەيدى.
You Might Also Like
-
ءبىر عۇلاما شاكىرتىنىڭ ءار نارسەدەن ۇنەمى شاعىمدانىپ جۇرەتىنىن كورىپ قالادى. سودان ءبىر كۇنى ول شاكىرتتى شاقىرتىپ الىپ، تۇزعا جىبەرەدى. ۇنەمى زارلانىپ جۇرەتىن شاكىرت تۇز الىپ كەلگەن كەزدە قاريا وعان ب...
-
بۇرىنعى وتكەن زاماندا ءبىر پاتشا بولعان ەكەن. ونىڭ ءاربىر ءتارتىبىن حالقى ەكى ەتپەي ۋاقىتىمەن ورىنداپ تۇرادى ەكەن. ءبىر كۇنى بۇل پاتشا: «مەنىڭ ءارقاشان حالىق پايداسىنا ەتكەن ءامىرىم ورنىنا ناقپا-نا...
