![بوليۆياداعى ءولىم جولى](http://infohub.kz/uploads/thumbnail/20240119212951459_big.jpg)
- 30 ناۋ. 2015 00:00
- 236
بوليۆياداعى ءولىم جولى
بوليۆياداعى بيىك تاۋدىڭ جاعاسىنداعى جول «ءولىم جولى» دەپ اتالادى. بوليۆيانىڭ يۋنگاس اۋماعىنداعى جولدىڭ رەسمي اتى «يۋنگاس جولى». امازون ورماندارىن ەلدىڭ استاناسى سۋكرەگە بايلايتىن جولداردىڭ ءبىرى. لا پاز قالاسىنان باستاۋ الاتىن جول 4650 مەتر بيىكتىككە جوعارىلاپ كوتەرىلەدى. بيىك قۇزداردى جاعالاپ، تىك ىلديلار مەن شۇعىل بۇرىلىستاردان وتەتىن بۇل جول، كورويكوعا جاقىن جەرلەردە تاعى دا 1200 مەتر كوتەرىلەدى.
بۇل جولدىڭ كەڭدىگى ورتاشا ەسەپپەن 3 مەتر 20 سانتيمەتر. جاڭبىرلى، تۇماندى كۇندەردە، تىم بيىكتىكتىڭ دە اسەرىنەن جول مۇلدەم كورىنبەيتىن حالگە كەلەدى. تۋريستتەردىڭ قىزىعۋشىلىعىن ارتتىرعان بۇل جولدى كورۋگە كەلىپ-كەتۋشىلەردىڭ سانى وتە كوپ. تۋريستتەردى ارنايى كولىكتەر مەن جەتەكشىنىڭ كومەگىمەن بۇل جولدى قىدىرۋعا الىپ باراتىن تۋرلار ۇيىمداستىرىلادى. سوڭعى 10 جىلدا 18 ۆەلوسيپەدشىنىڭ وسى جولدا قازا تاپقانى، تۋريستتەردىڭ سانىن ازايتپادى. 1983 جىلى جولدا ساياحات ەتىپ جۇرگەن اۆتوبۋس، جوعارىدان تومەنگە قۇلاپ، 100 دەن استام ادامنىڭ ولىمىنە سەبەپ بولعان. 1994 جىلى 25 كولىك قۇزدان تومەن قاراي قۇلاعان.