![Cاۋلەتشى ميمار سينان](http://infohub.kz/uploads/thumbnail/20240119215620789_big.jpg)
- 24 ءساۋ. 2015 00:00
- 218
Cاۋلەتشى ميمار سينان
ساۋلەتشى سينان 1490 جىلى كايسەرينىڭ اعىرناس دەگەن اۋىلىندا تۋىلىپ، 1588 جىلى 9 ساۋىردە ستامبۇلدا قايتىس بولدى. جاس شاعىندا ستامبۇلعا كەلىپ وقۋىن تامامداپ، اسكەر قاتارىنا قوسىلدى. چالدىران، مىسىر، تەبريا، باعدات، رودوس پەن بەلگراد سوعىستارىنا قاتىستى. سونىمەن قاتار كوپتەگەن مەملەكەتتەرگە بارىپ، جۇزدەگەن قالا كورىپ، بارعان جەرلەرىندە اركالارمەن كۇمبەزدەردى زەرتتەدى. بارلىعىنان وزىنە ءدارىس الىپ، قاعازعا ءتۇسىرىپ ءجۇردى. كەيىن باس ساۋلەتشى قىزمەتىنە تاعايىندالدى. مەملەكەت قۇرىلىستارىن باقىلادى جانە ساۋلەتشىلەردى دايىندايتىن حاسسا ميمارلار ورتالىعىندا كۇنى ءتۇنى ساباق وقىتتى. ساۋلەتشى سينان مەملەكەتتى مەشىتتەر، مەدرەسەلەر، كوپىرلەر، عيماراتتار، ەمحانالار، سارايلار، مونشالار، قويمالار جانە كەرۋەنسارايلارمەن بەزەندىردى. تۋىندىسىنىڭ ەشقايسىسى بىر-بىرىنە ۇقسامايتىن. ول قىسقا عانا ساۋلەتشىلىك قىزمەتىندە 364 ونەر تۋىندىسىن قالدىردى. ساۋلەتشى ميمار سيناننىڭ اكۋستيكا سالاسىندا جەتكەن جەتىستىكتەرىنە ءتىپتى وسى كۇنگى ينجەنەرلەر دە تۇسىنە الماي بارماعىن تىستەپ قالۋدا. سۇلەيمانييا جانە ءساليمييا مەشىتتەرى ەڭ اسقاق تۋىندىلارىنىڭ ءبىرى بولىپ سانالادى.
ميمار سينان مازارى.
ءساليميا مەشىتى:
ساۋلەتشى سيناننىڭ “شەبەرلىك ونەرىم” دەپ باعالاعان ءساليمييا مەشىتى ەديرنە قالاسىنىڭ باس ءتاجى بولىپ سانالادى. ساۋلەتشى ميمار سينانعا II- سۇلتان ءساليمنىڭ بۇيرىعىمەن 1568-1575 جىلدار ارالىعىندا سالدىرىلعان مەشىت ازان شاقىراتىن ءۇش قاباتى بار، ءتورت مۇناراسىمەن كوزگە تۇسەدى. بۇل اسەم مۇنارالار مەشىتتىڭ توبەسىندەگى كۇمبەزدى ۇستاپ تۇرعان ءتورت بۇرىشتىڭ بۇرىشتارىنا قاراتىپ تۇرعىزىلعان.31،3 مديامەتردى قۇرايتىن مەشىتتىڭ كۇمبەزى سىرتقى كورىنىستىڭ نەگىزگى كەلبەتىن دە كورسەتىپ تۇر.
ساۋلەتشىنىڭ باسقا دا كەيبىر تۋىندىلارى:
سۇلەيمانيە مەشىتى.
توپكاپى سارايى.
شەحزادە مەشىتى
موستار كوپىرى