- 14 ءساۋ. 2015 00:00
- 220
ەر قوسپاقپەن ءسوز سويلەمەك
ەر قوسقانعا ۇقسايدى ءسوز سويلەمەك،
قيسىندىرىپ، جىمپيتىپ قويسام دەمەك.
اتقا تىنىش، ادامعا جايلى كەلىپ،
كوزگە سۇلۋ، ءوزى ءوڭلى بولسا كەرەك.
«ول قالايشا ۇقسايدى؟»– دەپ ويلاما،
بايقارسىڭ ءسوزىمدى وقىپ، قىلساڭ شاما.
ەر مەن ءسوزدى قارالىق سالىستىرىپ،
بىرەۋىنە-بىرەۋى ۇيقاسا ما؟
كەي ەردىڭ الدى بيىك، ارتى الاسا،
ونى كورسەم قالامىن تاڭ-تاماشا.
الدى قاڭقاق، ەرىنىڭ ارتى جالپاق،
اتىن جاۋىر قىلادى-اۋ، بايقاماسا.
بىرەۋ سويلەر باسىندا باتىر شىعىپ،
جەپ جىبەرەر كىسىمسىپ جەرگە تىعىپ.
ەر جۇرەكتى ەركەككە جولىققاندا،
ىرجاڭ قاعىپ، جالىنىپ كەتەدى ىعىپ.
كەي ەردىڭ الدى الاسا، ارتى بيىك،
مىنبەي جاتىپ اتىڭدى قىلادى يىق.
باس ءبىتىمى باسەڭدەۋ كورىنسە دە،
ادىرايعان ارتىندا بولماس سيىق.
كەيبىرەۋ باسقى ءسوزىن تىم مايدا ايتار،
ازدان كەيىن سوزىنەن كوڭىل قايتار.
قالجىڭداسىپ وتىرىپ ىزا بولىپ،
كوزى الارىپ، كۇرەسىن ادىرايتار.
كەي ەر بار جانعا جايلى، ءۇستى جالپاق،
جاتىپ الار جالپايىپ، اتقا سالساق.
جەلدىك سالماي مىنۋگە جارامايدى،
تەگىس تيەر وقپانى سونشا تالتاق.
كەيبىر ءسوز الاسالاۋ، كوزگە سىنىق،
كورىنەر، بايقاماساڭ، ءمولدىر، تۇنىق.
جەلدىك سالىپ، ساقتانباي، مىنە كورمە،
استى ارام، ءۇستى جاتىق، ول ءبىر قىلىق.
كەي ەر بار تار قوسىلعان، توقىم قاپپاس،
شاپتاي تارتىپ قويساڭ دا اتقا جاتپاس.
ىلگەرىندى-كەيىندى قوقاڭ قاعىپ،
ات ارقاسىن ىسپالاپ تىنىم تاپپاس.
مۇنى ايتپاي-اق بىلەرسىڭ وزدەرىڭ دە،
وندايلاردى كورىپ ءجۇر كوزدەرىڭ دە.
قوقاڭ قاققان قولايسىز ءبىر ادام بار،
بايلاۋ، ماتاۋ بولمايدى سوزدەرىندە.
كەي ەردى سوم قوسىلعان دەيمىز ءتاۋىر،
اتقا جايلى بولسا دا كىسىگە اۋىر.
ءبىر جەلگىزبەي استىڭا تاق-تاق ەتىپ،
ءمىنىپ الساڭ قىلادى قوڭدى جاۋىر.
كەيبىرەۋ تىك ايتۋدى قىلادى ونەر،
ونىڭ ءسوزى توپاستاۋ، اششى كەلەر.
ءورشىل جىگىت دەگەنگە ايتىپ سالىپ،
اۋزى-باسى قان بولىپ شىعا بەرەر.
اتقا تىنىش، ادامعا جانە جايلى
الدى-ارتى بىردەي سۇلۋ، قوزگە ىڭعايلى.
وعاش، وعات، وقىرا، سىزاتى جوق،
ەر قايدا سىر-سىمباتى تۇگەل سايلى!
قيسىندىرىپ، جىمپيتىپ قويسام دەمەك.
اتقا تىنىش، ادامعا جايلى كەلىپ،
كوزگە سۇلۋ، ءوزى ءوڭلى بولسا كەرەك.
«ول قالايشا ۇقسايدى؟»– دەپ ويلاما،
بايقارسىڭ ءسوزىمدى وقىپ، قىلساڭ شاما.
ەر مەن ءسوزدى قارالىق سالىستىرىپ،
بىرەۋىنە-بىرەۋى ۇيقاسا ما؟
كەي ەردىڭ الدى بيىك، ارتى الاسا،
ونى كورسەم قالامىن تاڭ-تاماشا.
الدى قاڭقاق، ەرىنىڭ ارتى جالپاق،
اتىن جاۋىر قىلادى-اۋ، بايقاماسا.
بىرەۋ سويلەر باسىندا باتىر شىعىپ،
جەپ جىبەرەر كىسىمسىپ جەرگە تىعىپ.
ەر جۇرەكتى ەركەككە جولىققاندا،
ىرجاڭ قاعىپ، جالىنىپ كەتەدى ىعىپ.
كەي ەردىڭ الدى الاسا، ارتى بيىك،
مىنبەي جاتىپ اتىڭدى قىلادى يىق.
باس ءبىتىمى باسەڭدەۋ كورىنسە دە،
ادىرايعان ارتىندا بولماس سيىق.
كەيبىرەۋ باسقى ءسوزىن تىم مايدا ايتار،
ازدان كەيىن سوزىنەن كوڭىل قايتار.
قالجىڭداسىپ وتىرىپ ىزا بولىپ،
كوزى الارىپ، كۇرەسىن ادىرايتار.
كەي ەر بار جانعا جايلى، ءۇستى جالپاق،
جاتىپ الار جالپايىپ، اتقا سالساق.
جەلدىك سالماي مىنۋگە جارامايدى،
تەگىس تيەر وقپانى سونشا تالتاق.
كەيبىر ءسوز الاسالاۋ، كوزگە سىنىق،
كورىنەر، بايقاماساڭ، ءمولدىر، تۇنىق.
جەلدىك سالىپ، ساقتانباي، مىنە كورمە،
استى ارام، ءۇستى جاتىق، ول ءبىر قىلىق.
كەي ەر بار تار قوسىلعان، توقىم قاپپاس،
شاپتاي تارتىپ قويساڭ دا اتقا جاتپاس.
ىلگەرىندى-كەيىندى قوقاڭ قاعىپ،
ات ارقاسىن ىسپالاپ تىنىم تاپپاس.
مۇنى ايتپاي-اق بىلەرسىڭ وزدەرىڭ دە،
وندايلاردى كورىپ ءجۇر كوزدەرىڭ دە.
قوقاڭ قاققان قولايسىز ءبىر ادام بار،
بايلاۋ، ماتاۋ بولمايدى سوزدەرىندە.
كەي ەردى سوم قوسىلعان دەيمىز ءتاۋىر،
اتقا جايلى بولسا دا كىسىگە اۋىر.
ءبىر جەلگىزبەي استىڭا تاق-تاق ەتىپ،
ءمىنىپ الساڭ قىلادى قوڭدى جاۋىر.
كەيبىرەۋ تىك ايتۋدى قىلادى ونەر،
ونىڭ ءسوزى توپاستاۋ، اششى كەلەر.
ءورشىل جىگىت دەگەنگە ايتىپ سالىپ،
اۋزى-باسى قان بولىپ شىعا بەرەر.
اتقا تىنىش، ادامعا جانە جايلى
الدى-ارتى بىردەي سۇلۋ، قوزگە ىڭعايلى.
وعاش، وعات، وقىرا، سىزاتى جوق،
ەر قايدا سىر-سىمباتى تۇگەل سايلى!