![فاريزا وڭعارسىنوۆا](http://infohub.kz/uploads/thumbnail/20240120175110800_big.png)
- 16 ناۋ. 2015 00:00
- 250
فاريزا وڭعارسىنوۆا
فاريزا وڭعارسىن قىزى وڭعارسىنوۆا - قازاق اقىنى، حالىق جازۋشىسى، جۋرناليست، قازاقستان رەسپۋبليكاسى پارلامەنتى ءماجىلىسىنىڭ I جانە II شاقىرىلىمدارىنىڭ دەپۋتاتى (1996-2004). فاريزا وڭعارسىنوۆا 1939 جىلدىڭ 5-جەلتوقسانىندا گۋريەۆ (قازىرگى اتىراۋ) وبلىسى، نوۆوبوگات اۋدانىنا قاراستى ماناش اۋىلىندا تۋعان. 1961 جىلى گۋريەۆ مەملەكەتتىك پەدوگوگيكالىق ينستيتۋتىنىڭ تىل-ادەبيەت فاكۋلتەتىن ءبىتىرىپ، بالىقشى اۋدانىنىڭ ەركىندالا، وكتيابردىڭ 40 جىلدىعى اتىنداعى قازاق مەكتەبىندە ۇستازدىق ەتكەن. 1966-1968 جج. گۋريەۆ وبلىستىق «كوممۋنيستىك ەڭبەك» گازەتىنىڭ پارتيا تۇرمىسى بولىمىندە ادەبي قىزمەتكەرى.
1968-1970 جج. رەسپۋبليكالىق «لەنينشىل جاس» (قازىرگى «جاس الاش») گازەتىنىڭ اقتوبە، گۋريەۆ، ورال وبلىستارى بويىنشا مەنشىكتى ءتىلشىسى قىزمەتىن اتقارعان. 1970-1978 جج. رەسپۋبليكالىق «قازاقستان پيونەرى» (قازىرگى «ۇلان») گازەتىنىڭ باس رەداكتورى، 1978 ج. جەلتوقساننان «پيونەر» (قازىرگى «اق جەلكەن») جۋرنالىنىڭ باس رەداكتورى. العاشقى ولەڭدەرى باسپا ءسوز بەتتەرىندە 1958 جىلدان باستاپ شىققان. ءار جىلدارى 20-دان استام ولەڭ جيناقتارى، وچەركتەرى، تاڭدامالى شىعارمالارى، «ءبىزدىڭ كامشات» پوۆەسى، اۋدارمالارى «جازۋشى»، «جالىن»، «مولودايا گۆارديا» باسپالارىنان جارىق كوردى. فاريزا وڭعارسىنوۆانىڭ ولەڭدەرىندە جاساندىلىق جوق، ازاماتتىق ليريكاسى سىنشىلدىعىمەن، قوعامداعى، ادام مىنەزىندەگى كەلەڭسىز تۇستاردى ءدال نىساناعا الۋمەن ەرەكشەلەنەدى. لەنين كومسومولى ورتالىق كوميتەتىنىڭ، قازاق كسر جوعارعى كەڭەسىنىڭ قۇرمەت گراموتالارىمەن، «قۇرمەت بەلگىسى»، «پاراسات» (2001) وردەندەرىمەن ماراپاتتالعان. رەسپۋبليكا مادەني-اعارتۋ ىسىنە ەڭبەگى سىڭگەن قىزمەتكەر. 2014 جىلدىڭ 23 قاڭتار كۇنى استانا قالاسىندا ۇزاق سىرقاتتان دۇنيەدەن ءوتتى.
فاريزا وڭعارسىن قىزىنىڭ كەيبىر تۋىندىلارى:
جاقسىلىق تۋرالى جىر
ماقاتايەۆ تۋرالى جىر
مەن ءوزىمنىڭ جاۋلارىمدى ولە قال دەپ ەشقاشان قارعامايمىن
دۇنيە بوس قالدى عوي سەن كەتكەلى
اققايىڭعا اينالىپ سوققان جۇرەك تۋرالى
انمەن قاعىپ اسپاننىڭ قاقپالارىن...