جان دەگەن وسىلاي قۇربان ەتىلەدى!
ءبىر دارىگەردىڭ باسىنان وتكەرگەن وقيعاسى:
ءبىراز جىل بۇرىن ەمحاناعا اۋىر حالدەگى ءبىر قىز ءتۇستى. ءومىرىن ساقتاپ قالۋدىڭ ءبىر عانا امالى بولدى. ول 5 جاسار ىنىسىنەن جەدەل قان قۇيۋ ەدى. كىشكەنتاي بالا بۇرىن ءدال وسىنداي اۋرۋمەن اۋىرىپ ءولىم اۋزىنان قالعان بولاتىن جانە قانىندا بۇل اۋرۋدىڭ ميكروپتارىن جوياتىن انتيدەنەلەر پايدا بولعان ەدى.
وعان ول تۇسىنەتىندەي تىلمەن جاعدايدى ءتۇسىندىردىم جانە اپكەسىنە قانىن بەرەتىنىن الدە بەرمەيتىنىن سۇرادىم. كىشكەنتاي بالا ءبىر مەزەت ءۇنسىز تۇرىپ ويلاندى. كەيىن تەرەڭ دەم الىپ “ەگەر اپكەم بۇل اۋرۋىنان جازىلاتىن بولسا، مەن قانىمدى قۋانا قۋانا بەرەمىن” دەدى.
قان قۇيىپ جاتقاندا اپكەسىنىڭ كوزدەرىنە قاراپ كۇلىمدەپ جاتتى. قىزدىڭ بەتتەرىنەن قان جۇگىرىپ بوزارعان ءتۇسى قالپىنا كەلە باستادى. ال كىشكەنتاي بالانىڭ ءجۇزى بارعان سايىن سولىپ كۇلىمدەۋى دە ازايىپ قالا بەردى. دىرىلدەگەن ۇنمەن مەنەن سۇرادى:
- دارىگەر اعاي، اپكەم تۇرماي جاتىپ، ونىڭ جازىلعانىن كورمەي جاتىپ ولەمىن با مەن؟
سويتسەم بۇل بالا قانىن بەرگەندە اپكەسى ءتىرى قالىپ، ءوزى ولەتىنىن ويلاعان ەكەن.
You Might Also Like
-
ءبىر اپتالىق جۇمىس كۇنىنەن قاجىعان ادام جەكسەنبىنىڭ تاڭىندا قولىنا گازەت الىپ شارشاعانىن باسىپ، كۇنى بويى ۇيدە وتىرۋدى ۇيعارادى. ءدال وسىنى ويلاپ وتىرعانىندا بالاسى جۇگىرىپ كەلىپ پارككە قاشان باراتىن...
-
بۇرىنعى وتكەن زاماندا قىتايدا ليلي اتتى ءبىر قىز تۇرمىسقا شىعىپ، كۇيەۋى، ەنەسى ۇشەۋى ءبىر ۇيدە ءومىر سۇرە باستاپتى. بىرنەشە ايدان كەيىن بىتپەي كەتكەن كەلىن مەن ەنە اراسىنداعى ۇرىس-كەرىستەر ناتيجەسىندە...
