جاپىراعى قۋارعان ەسكى ۇمىتپەن
قيال قىپ ءومىر ءسۇرىپ، بوس ءجۇرىپپىن.
جىبىر قاعىپ، كوڭىلدى تىنشىتپايدى
قاشانعى ءوتىپ كەتكەن بۇلدىر كوپ كۇن.

ول داۋرەن ءومىر ەمەس، ءبىر كورگەن ءتۇس،
ويعا تۇيمە قىزىقتى قيالدان كۇس.
قاراشى، ءوز بويىڭدا تۇگەل مە ەكەن
ىستىق جۇرەك، ءوڭ-شىراي، قۋات پەن كۇش؟

توڭكەرىلىپ قۇبىلعان جۇرت — ءبىر ساعىم،
شىنعا شىداپ، قوسا الماس ىنتىماعىن.
كوپتىڭ اۋزىن كۇزەتسەڭ كۇن كورمەيسىڭ،
ءوزىڭدى ءوزىڭ كۇزەت، كەل، شىراعىم!

---