كالكۋلياتورسىز تەز ەسەپتەۋ تاسىلدەرى

ۇبت كەزىندە، كۇندەلىكتى تۇرمىستا نەمەسە قاراپايىم ماتەماتيكا ساباعىندا كەيبىر امالداردى ويشا ەسەپتەۋ قيىندىق تۋدىرادى. ادەتتە، ءبىز ونداي كەزدە ويلانباستان كالكۋلياتورعا قاراي جۇگىرەمىز. سوندىقتان بۇگىن سىزدەرگە ەشقانداي قۇرالسىز ماتەماتيكالىق ەسەپتەۋلەردى جەڭىلدەتەتىن بىرنەشە ءادىستى ۇسىنامىن.

1. ەكى تاڭبالى ساندى 11-گە كوبەيتۋ

11 سانىن ەكى تاڭبالى سانعا كوبەيتكەن كەزدە شەشىمنىڭ ءۇش سيفردان (؟؟؟) بولاتىنى بەلگىلى.

ياعني: 81*11=؟؟؟

ودان بولەك مىنا ءبىر قۋلىقتاردى ءبىلۋ كەرەك:

1) ءبىرىنشى سيفر نەگىزى ساننىڭ العاشقى سيفرىمەن سايكەس كەلەدى (81)؛

2) ورتاداعى سيفر نەگىزگى ساننىڭ سيفرلارىنىڭ قوسىندىسىنا تەڭ بولادى (8+1)؛

3) ءۇشىنشى سيفر نەگىزگى ساننىڭ سوڭعى سيفرىمەن سايكەس كەلەدى (81).

سونىمەن:

8*11=؟؟؟ —> 8 (8+1) 1 —> 891

جاۋابى: 81*11=891

كەي جاعدايلاردا ورتاسىنداعى، ياعني جاقشا ىشىندەگى سان ەكى سيفردان تۇرۋى مۇمكىن. ونداي جاعدايدا سول جاقشا ىشىندەگى ساننىڭ سوڭعى سيفرىن ەسىمىزدە ساقتاپ قالامىز دا، ءبىرىنشىسىن العاشقى جاقشا سىرتىنداعى سيفرعا قوسامىز.

مىسالى: 78*11=؟؟؟

7 (7+8) 8 —>7 (15) 8—> (7+1) 5 8 —> 858

جاۋابى: 78*11=858
 



2. ساندى 5-كە كوبەيتۋ

كەي جاعدايدا كەزدەيسوق ءبىر ساندى 5-كە كوبەيتكەندە ويلانىپ قالامىز. كەز كەلگەن ساندى 5-كە وڭاي كوبەيتۋ ءۇشىن سول ساندى 10-عا كوبەيتىپ، ونى 2-گە ءبولۋ كەرەك.

مىسالى: 49*5=؟

1) 49*10=490

2) 490/2=245

جاۋابى: 49*5=245

3. سوڭى 5-پەن اياقتالاتىن سانداردى كۆادراتتاۋ

مىسالى: 35*35=؟

1) «35» سانىنىڭ العاشقى سيفرىن سول سيفردىڭ 1-گە قوسىندىسىنا كوبەيتەمىز. ياعني، 3*(3+1)=12

2) وسى شىققان ساننىڭ سوڭىنا بارلىق جاعدايدا 25 سانىن جالعايمىز. 1225

جاۋابى: 35*35=1225

ماقالا massaget.kz سايتىنان الىنعان


You Might Also Like