كورىسۋ

كورىسۋ — قازاقستاننىڭ باتىس وڭىرىندە عانا ساقتالعان قازاقتىڭ ەجەلگى ءداستۇرى.

جاڭا جىلدى بايباقتى قازىبەك كۇنتىزبەسى بويىنشا قارسى الاتىن ايماق تۇرعىندارى 14 ناۋرىزدى «كورىسۋ (ياعني قاۋىشۋ) كۇنى» دەپ تە اتايدى. بۇل كۇنى اۋىل تۇرعىندارى ەرتە تۇرىپ، ەلەڭ-الاڭنان جاسى ۇلكەن ادامدارعا سالەم بەرەدى. كورشى-قولاڭدار بىر-بىرىنە «جاسىڭ قۇتتى بولسىن!»، «جاسىڭا جاس قوسىلىپ، ءعۇمىرىڭ ۇزاق بولعاي!» دەپ تىلەك ايتادى. كورىسۋ كۇنىندە بۇرىنعى وكپە-رەنىش كەشىرىلىپ، ارازدىق ۇمىتىلادى، كورشىلەر ءبىر-بىرىن شەكە اسىنا شاقىرش، مەيمانداردىڭ وتباسىنا، اعايىن-تۋىستارىنا اماندىق-ساۋلىق، قۇت-بەرەكە تىلەيدى.

كورىسۋ — تەك ادامداردىڭ بىر-بىرىنە امانداسىپ، جاقسىلىق تىلەيتىن قاۋىشۋ مەرەكەسى عانا ەمەس، سونداي-اق جاسى ۇلكەندەرگە ىزەت كورسەتىپ، ءىلتيپات بىلدىرەتىن ءداستۇرلى كورىنىس. ويتكەنى "كورىسۋ" سالتى ءبىر كۇننىڭ اياسىمەن شەكتەلىپ قالمايدى، جىل بويى جالعاسا بەرەدى. الدەقانداي سەبەپتەرمەن 14 ناۋرىز كۇنى بولماعان نەمەسە سىرت جاقتا جۇرگەن كەز كەلگەن ادام اۋىلعا جولى تۇسكەن بويدا قاريالاردىڭ قولىن الىپ، سالەم بەرۋگە ءتيىس


You Might Also Like

جاڭالىقتار

جارناما