ليونەل مەسسيدىڭ ءار كەزدە ايتقاندارى
مەنىڭ ورنىما ەكى اياعىم سويلەيدى.
مەن بارسەلونا قالاسىندا 12 جاسىمنان باستاپ تۇرىپ كەلەمىن، ءبىراق مەن ءالى ارگەنتينا ازاماتىمىن.
كىشكەنتاي كەزىمنەن مەن ۇياڭ بولاتىنمىن جانە بارلىق ۋاقىتىمدى تەك فۋتبولعا ارنايتىنمىن. دوستارىم مەنى كوشە كەزۋگە شاقىراتىن، ءبىراق مەن ەرتەڭگى كۇنى جاتتىعۋىم بولعاندىقتان، كەزۋگە كوپ شىعا بەرمەيتىنمىن. سول بالالىق شاعىمنان بەرى ءالى ەشنارسە وزگەرگەن جوق، ءقازىر دە دوستارىم ءبىر جەرگە شاقىرسا، ۇيدە قالعاندى ءجون كورەمىن.
مەن بارلىق ماچتى فينالدا ويناپ جاتقانداي وينايمىن.
ماراپاتتار ارينە جاقسى، ءبىراق بۇل مەنى ەمەس تىلشىلەردى الاڭداتۋى كەرەك.
كەي ۋاقىتتا وزىڭە: "بارلىق ويىندا جەڭۋ مۇمكىن ەمەس" دەپ ايتۋىڭا تۋرا كەلەدى.
ومىردە فۋتبولدان دا ماڭىزدىراق نارسەلەر بار.
اقشا مەنىڭ ويناۋ دارەجەمدى وزگەرتپەيدى. مەن ءوزىمدى ءالى، ماماسىنان دوپ سۇراپ الىپ، اۋلادا سول دوپتى قۋالاپ جۇرگەن بالاداي سەزىنەمىن. بۇل سەزىمدى جوعالتقان ۋاقىتىمدا فۋتبولمەن قوش ايتىسامىن.
ماعان اقشا تولەمەي قويسا دا، وسى دارەجەدە تەگىن-اق ويناي بەرەر ەدىم. اقشا ارينە ءومىر ءسۇرۋ جاعدايىڭدى تۇزەيدى، ءبىراق قاناتتاندىرمايدى. مەن ەكونوميكالىق جاعدايىمدى تۇزەۋ ءۇشىن ەمەس، فۋتبول ويناۋ ءۇشىن ءومىر سۇرۋدەمىن.
ماعان ادامدى تاڭ قالدىراتىن شاش ۇلگىسى نەمەسە دەنە ءبىتىم كەرەك ەمەس. مەنىڭ اياعىما دوپتى بەرىڭدەر، ونەرىمدى سوندا كورسەتەمىن.
رونالدۋ وتە تاماشا ويىنشى، وعان دەگەن ەشقانداي قىزعانىش سەزىمىم جوق. ەگەر رونالدۋ بولماعاندا مەن ونىڭ دارەجەسىن اسۋ ءۇشىن ۇمتىلماس ەدىم، ءبىر دەڭگەيدە قالىپ كەتەر ەدىم.
فۋتبولدى اياقتاعاننان كەيىن، مەنى جاقسى فۋتبولشى ەمەس جاقسى ادام دەپ ەسكە العانىن قالار ەدىم. وسى نارسە مەنى كوبىرەك مازالايدى.
You Might Also Like
-
گازەتىمىزدىڭ كوپ ماقساتىنىڭ ءبىرى — باسقادان دا الىپ، وزىمىزدە بارىن جيىپ، قازاق ءتىلىنىڭ بەتىن جوندەپ، جولىن اشپاق، سوندىقتان قازاقتىڭ ماقالدارى، تاقپاق سوزدەرى، بيلەردىڭ، شەشەندەردىڭ ايتقان س...
-
ۆەنەسيا — يتالياداعى قالا، ۆەنەتو اكىمشىلىك ايماعىنا قاراستى ۆەنەسيا پروۆينسياسىندا ورنالاسقان. الىپ جاتقان جەر اۋماعى 412 كم² شاماسىندا.
