ماندارين تۋرالى نە بىلەسىز؟

ماندارين — سيترۋستار تۇقىمداسىنا جاتاتىن ماڭگى جاسىل الاسا اعاش. وتانى جۇڭگو، اتاۋى دا قىتايلاردان كەلگەن. ەرتە زامانداردا قىتايداعى باي، اۋقاتتى ادامدارعا «ماندارين» دەگەن لاۋازىم بەرىلگەن ەكەن.

ەرەكشەلىگى – قىس مەزگىلىندە تۇماۋ، سالقىن تيۋ جانە س دارۋمەنى قاجەتتى بارلىق اۋرۋلارعا شيپا بولىپ تابىلادى. باسقا سيترۋستارعا قاراعاندا جاپىراعىنىڭ ساباعى جىڭىشكەلەۋ جانە ول ەڭ تەز پىسەتىن ءارى كوپ جەمىس بەرەتىن اعاش. مامىر – شىلدە ايلارىندا گۇلدەيدى. گ ۇلى اق ءتۇستى، مايدا. قاراشا – جەلتوقسان ايلارىندا جەمىس بەرەدى. ماندارين – قوڭىرجاي بەلدەۋلەرىندە وسەتىن ءتاتتى، سۋلى جانە حوش ءيىستى جەمىس. اپەلسينگە ۇقساس ەرەكشەلىكتەرى بار جانە ايرىقشا س دارۋمەنىنە وتە باي. قۇرامىندا ا، ۆ، ە دارۋمەندەرىمەن قوسا كالسيي، كاليي، ماگنيي، ناتريي، تەمىر، بروم جانە فوسفور مينەرالدارى بار. ال قابىعى ر دارۋمەنىنە باي.

پايدالارى:

- قاندى تازالايدى.

- جۇرەك پەن تامىر اۋرۋلارىنا قارسى قورعاۋشى.

- حولەستەريندى جانە جوعارعى قان قىسىمىن تۇسىرۋگە كومەكتەسەدى.

- قان تامىردىڭ قاتايۋ جانە سال اۋرۋلارىنا پايدالى.

- جۇيكەنى تىنىشتاندىرادى.

- كەشكى استان كەيىن 1-2 دانا جەلىنسە، ۇيقىسىزدىق اۋرۋىنا پايدالى.

- يممۋنيتەتتى كۇشەيتەدى. جوتەلگە، تۇماۋعا قارسى پايدالى.

- اس قورىتۋدى جاقسارتادى.

- تەرىنى تازارتادى. ميكروبتاردى جويىپ، اسقازاندى جۇقپالى اۋرۋلاردان ساقتايدى.

- ءشولدى جاقسى قاندىرادى.

- قان اينالىم جۇيەسىن جاقسارتادى.

ءمانداريندى جەمىس كۇيىندە جانە توساپ كۇيىندە جەۋگە بولادى. قابىقتارىنان ەفير مايى جاسالىنادى. قابىقتارىن ۇككىشتەن وتكىزىپ، كەكس، تورت سەكىلدى ءتاتتى تاعامدارعا قوسىلىپ ءپىسىرىلىپ جەلىنسە، جۇرەك جانە قان تامىرلارى اۋرۋلارىنا پايدالى بولىپ كەلەدى.


You Might Also Like