InfoHub Logo

سىنىپ ساعاتى: مەنىڭ بەيىمدىلىگىم
ساباقتىڭ ماقساتى: وقۋشىلاردى بەيىمدىلىك، ماماندىق تۋرالى ۇعىمدارمەن تانىستىرۋ، ماماندىقتار توبى، تاڭداۋ ادىستەرى تۋرالى بىلىمدەرىن، تۇسىنىكتەرىن كەڭەيتە وتىرىپ، ماماندىقتارعا دەگەن ىنتا - ىقىلاسىن ارتتىرۋ. كاسىپتىك باعدار بەرۋ. ءوزىن ءوزى تانۋ اۋماعىن كەڭەيتۋ، ماماندىق الەمىنەن اقپاراتتار بەرۋ.
قۇرالدار: ساۋالناما ناتيجەسى، پاراقشالار،
ءوتىلۋ ورنى: سىنىپ بولمەسى.

ءوتىلۋ بارىسى:
1. كىرىسپە ءبولىم:
ءى - ج: قۇرمەتتى 3 سىنىبى وقۋشىلارى. «مەنىڭ بەيىمدىلىگىم» اتتى سىنىپ ساباعىمىزعا حوش كەلدىڭىزدەر.
2 ج: مەكتەبىمىزدە قاڭتار ايىندا - كاسىپتىك باعدار بەرۋ ايلىعى ءوتىپ جاتقاندىقتان، بۇگىنگى ساباعىمىزدا وسى تاقىرىپ توڭىرەگىندە ءسوز قوزعالماق.
1 - ج: بەيىمدىلىك، قابىلەتتىلىك، يكەمدىلىك سوزدەرى – ماعىناسى ءبىر - بىرىنە جۋىق سوزدەر. ەندى وسى سوزدەرگە عىلىمي تۇرعىدا انىقتاما بەرىپ وتەلىك:
كەزەكتى ءسوزدى وقۋشىلارعا بەرەلىك:
1 وقۋشى: - بەيىمدىلىك – ءوز قاجەتتىلىگىن قاناعاتتاندىرۋ ءۇشىن ادامنىڭ ناقتى ءبىر ارەكەت جاساۋى.

2 - وقۋشى:- يكەمدىلىك – ادامنىڭ قانداي دا ءبىر نارسەنى ورىنداي ءبىلۋ قابىلەتى.
ول ءتۇرلى دارەجەدە كورىنەدى. يكەمدىلىك ءبىلىم مەن تاجىريبەگە نەگىزدەلگەن. كىمنىڭ ءبىلىمى مەن تاجىريبەسى كوبىرەك بولسا، سول ادامنىڭ يكەمدىلىگى دە ارتىق بولادى. يكەمدىلىك – ءبىلىمنىڭ امالعا اينالۋى، سول امالدى جۇزەگە اسىرۋدىڭ ءتاسىلى. ول – ادامنىڭ ءىس - ارەكەتتىڭ بەلگىلى تۇرىنە (سۋرەت، مۋزىكا، ونەر ت. ب.- عا) ۇمتىلىسىنان، ىنتىقتىعىنان كورىنەدى. يكەمدىلىك بولعان جاعدايدا ارەكەتكە دەگەن زور ىنتالىلىق قانا ەمەس، شەبەرلىكتى شاپشاڭ يگەرۋ، ەلەۋلى ناتيجەلەرگە جەتۋ بايقالادى. يكەمدىلىكتە ادامنىڭ تابيعي جانە جۇرە پايدا بولاتىن قاسيەتتەرى سومدالىپ كورىنەدى. ول ەڭبەك پروسەسىندە، تاربيە جاعدايىندا دامىپ جەتىلەدى.

3 - وقۋشى: قابىلەت ادامنان ارەكەتتىڭ ءبىر تۇرىمەن اينالىسۋعا مۇمكىندىك بەرەتىن بەيىمدىلىكتە بايقالادى. بەيىمدىلىك پەن قابىلەت كوپ جاعدايلاردا بىرگە بولادى. ويتكەنى ادامنىڭ ءبىر نارسەگە قابىلەتتىلىگى ونىڭ بەيىمدىلىگىنە وراي قالىپتاسادى. بەيىمدىلىك — ادامنىڭ بەلگىلى ءبىر ارەكەتپەن اينالىسۋعا بەت-بۇرىسى، وعان كوڭىلى اۋۋى، ويانىپ كەلە جاتقان قابىلەتتىڭ العاشقى بەلگىسى. سونىمەن قاتار، بەيىمدىلىك ارەكەتتىڭ ءبىر سالاسىنا (سۋرەت، مۋزىكا ت. ب.) اۋەستەنۋشىلىكتى كورسەتەدى. بەيىمدىلىكتى بالادا قانداي دا ءبىر نىشاننىڭ بارلىعىن حابارلايتىن بەلگى دەۋگە دە بولادى.

2. نەگىزگى ءبولىم:
ءقازىر مىنا ءسوزجۇمباقتى شەشىپ جىبەرەلىك:

1. مىناۋ مەنىڭ بىلگەنىم، ول - سىنىپتىڭ اناسى،
ءوزىنىڭ دە وزگەنىڭ، بالاسى - ونىڭ بالاسى. ق. مىرزالييەۆتىڭ ولەڭىندە كىم تۋرالى ايتىلادى؟ (ءمۇعالىم)
2. عارىشقا ۇشاتىن ادام - (عارىشكەر)
3. اۋا رايىن بولجايتىن ادام – (مەتەورولوگ)
4. وسكەن شاشتى جاراتپايتىن،
قايشىسى بار جالاقتايتىن. (شاشتاراز)
5. ءبىزدىڭ كيىمىزدى كىمدەر تىگەدى؟ (تىگىنشى)
6، ادام جانىنىڭ اراشاشىسى، اق حالاتتى ابزال جاندار - (دارىگەر)
7. ادامدارعا ءزاۋلىم ۇيلەر سالىپ بەرەدى (قۇرىلىسشى)
8. ۇشاقتى باسقاراتىن ادام (ۇشقىش)
مىنا ءسوزجۇمباقتا سەگىز ءسوز شەشتىك، جاسىرىنعان 9 - شى ءسوزدى كىم تابادى؟
2 - جۇرگىزۋشى: ال ماماندىق دەگەنىمىز نە؟
4 - وقۋشى: «ماماندىق» ورىسشا - پروفەسسيا - لاتىن سوزىنەن شىققان، “professio”- انىقتالعان ءىس، ماماندىق دەگەندى بىلدىرەدى.

ماماندىق - قاراپايىم ءومىر ءسۇرۋ كوزى بولىپ تابىلاتىن جانە قانداي دا ءبىر دايىندىقتى، جاۋاپكەرشىلىكتى تالاپ ەتەتىن ەڭبەك قىزمەتىنىڭ ماڭىزدى بولىگى.
5 - وقۋشى: ماماندىق تاڭداۋ - تاعدىرىڭدى تاڭداۋ دەگەن ءسوز. كەيىنگى ومىردە وكىنبەيتىندەي، ءوز قابىلەتى مەن بەيىمدىلىگىنە ساي كاسىپ ءتۇرىن تاڭداۋ.. بۇل وتە جاۋاپكەرشىلىكتى جانە ماڭىزدى ءىس. ماماندىق تاڭداۋدا ءار ادام ءوزىنىڭ قىزىعۋشىلىعىنا، قابىلەتىنە، بەيىمدىلىگىنە، قالاۋىنا سۇيەنۋ كەرەك.