InfoHub Logo

تاقىرىبى: «وينايىق تا، ويلايىق!» بىلگىرلەر الەمىنە ساياحات
ماقساتى: وقۋشىلاردىڭ بىلىمدىلىك داعدىلارىن بايقاۋ؛ ولاردىڭ ويلاۋ قابىلەتىن، وي ۇشقىرلىعىن، وقۋعا ىنتاسىن ارتتىرۋ، دۇنيەتانىمىن كەڭەيتۋ؛ سوزدىك قورىن مولايتۋ، قوسىمشا ىزدەنۋگە باۋلۋ؛ تۋعان ەلىن، جەرىن سۇيۋگە، ەلجاندىلىققا تاربيەلەۋ.
ءادىسى: سۇراق - جاۋاپ، ويىن، ىزدەنۋشىلىك، ينسەرت ءادىسى.
ءپانارالىق بايلانىس: دۇنيەتانۋ، قازاق ءتىلى
ءىس - شارانىڭ ءتۇرى: ساياحات
كورنەكىلىگى: سۋرەتتەر، توپ اتتارى جازىلعان پلاكاتتار، سلايدتار تەليەۆيزور، نوۋتبۋك، سمايليكتەر مەن فلوماستەرلەر

بارىسى: I ۇيىمداستىرۋ.
- بالالار، ءبىز بۇگىن سەندەرمەن بىلگىرلەر الەمىنە ساياحات جاسايمىز.
- قانداي الەمدى (پلانەتانى) بىلەسىڭدەر؟
- دۇرىس، ال ەندى «بىلگىرلەر» الەمىن ەستىپ كوردىڭدەر مە؟
- جوق.
- ەندەشە ول الەمگە ويشا، قيالداپ ساياحات جاسايمىز. ءبىراق ول پلانەتا ءبىزدى تەكتەن تەككە كىرگىزە سالمايدى. وعان ءوتۋ ءۇشىن ءبىزدى ويلاندىراتىن ءار ءتۇرلى جۇمباقتار شەشىپ، تاپسىرمالاردى ورىنداۋىمىز كەرەك ەكەن. ول ءۇشىن 3 توپقا ءبولىنىپ، جارىسا وتىرىپ ساياحات جاسايمىز. ساياحاتىمىزدا ءار ءتۇرلى ايالدامالار بولادى. پارتالارىندا جاتقان قيىندىدان ءوز توپتارىننىڭ اتىن شىعارىپ الىڭدار.
قيىندىلاردان "ويشىلدار"، "تاپقىرلار"، "العىرلار" دەگەن سوزدەر شىعادى.
ءار توپ ءوز اتتارىن ايتادى. تاقتاعا توپ اتتارى جازىلعان پلاكاتتار ىلىنەدى.

ءىى. نەگىزگى ءبولىم.
1 - سلايدتى اشۋ. "وينايىق تا، ويلايىق!"
توپ ەرەجەسىن ايتۋ.
ءان ورىنداۋ "دوس بولايىق ءبارىمىز"
ءمۇعالىم ويىننىڭ ەرەجەسىمەن تانىستىرادى. ءار ايالداما تاپسىرمالارىن ورىنداعان سايىن توپتارعا سمايليكتەر بەرىلىپ وتىرادى.

ءىىى. ويىننىڭ باستالۋى.
1. «سيقىرلى سويلەم» ايالداماسى. 2 - سلايد
كەلتىرىلگەن سويلەمدەر قاي ماتىننەن الىنعان؟ ءماتىننىڭ اتىن ايت. ەگەر اۆتورىن ايتساڭ قوسىمشا 1 ۇپاي بەرىلەدى.

3 - سلايد. "ىستىق قوي، شىركىن، تۋعان جەر! كىم سۇيمەسىن ءوز جەرىن؟ سۇيمەسە زەردەسىز سۇيمەس..."
4 - سلايد. جاۋابى: ج. ايماۋىتوۆ "قارتقوجانىڭ تۋعان جەرى"

5 - سلايد "... دۇنيەدەگى ەڭ ءبىر جاقسى مەكەن، جايلى قونىس - اركىمنىڭ ءوز مەكەنى، ءوز جەرى ەكەن".
6 - سلايد. جاۋابى: ساكەن ءجۇنىسوۆ "كىمنىڭ مەكەنى جاقسى؟"

7 - سلايد. "ءبىر مەزگىلدە كەرىمنىڭ ءىشى ءبۇرىپ اۋىرا باستاپتى"
8 - سلايد. جاۋابى: ىبىراي التىنسارين "سالاقتىق"

9 - سلايد."... بالالارمەن اسىق ويناپ جۇرسەم، ءبىر ۇپ-ۇزىن سارى كىسى اتتان ءتۇسىپ، شىلبىرىن اعاشقا بايلاپ جاتىر ەكەن"
10 - سلايد. جاۋابى: قابدەش ءجۇمادىلوۆ "ۇزىنسارى"

11 - سلايد. "كەيدە اجەسى شارشاپ، ايتپاي قويسا، ءوز شەشەسىنە جابىساتىن"
12 - سلايد. جاۋابى: مۇحتار اۋەزوۆ " بالا اباي"

13 - سلايد. "- شىراعىم، ەر جەتەرسىڭ،
ەر جەتسەڭ، ءسىرا، نە ەتەرسىڭ؟"
14 سلايد. جاۋابى: مۇحتار اۋەزوۆ "بالا اباي مەن بارلاس اقىن"
ءبىرىنشى ايالدامانىڭ قورىتىندىسىن شىعارۋ.

2. «شىتىرمان ەرتەگىلەر» ايالداماسى.
ەكراننان ەرتەگىلەردەن ءۇزىندى كەلتىرىلەدى. ەرتەگىنىڭ اتىن ايتۋ كەرەك. ويىندى قاي توپتىڭ ۇپاي سانى از بولسا، سول توپ باستايدى.
15 - سلايد.
ەكىنشى ايالدامانىڭ قورىتىندىسىن شىعارۋ.
سەرگىتۋ ءساتى

3. «زەيىن» ايالداماسى. بەينەتاسپا № 25 - 26 (2) بۇل ايالدامادا بالالارعا بەرىلگەن سيۋجەتتەن قانداي اعاشتىڭ تۇرلەرى جايلى ايتىلعانى جانە ول تۋرالى نە بىلگەندەرىن ورتاعا سالادى. تاپسىرمانى ورىنداۋعا 3 - مينۋت بەرىلەدى.
ءۇشىنشى ايالدامانىڭ قورىتىندىسىن شىعارۋ.

4. «اۋكسيون» ايالداماسى.
- انا ءتىلى پانىنەن وتكەن شىعارمالاردى ءوز بىلىمدەرىڭمەن «ساتىپ الاسىڭدار». مىسالى، "ءبىزدىڭ توپ 2 سوزدەن قۇرالعان سوزدەن شىعارمانى تابادى"،- دەپ ايتادى. ەكراننان شىعارمانىڭ 2 ءسوزى شىعادى، ەگەر تابا الماسا، ەكىنشى توپ: "ءبىز 3 سوزدەن قۇرالعان سوزدەن شىعارمانى تابامىز"،- دەپ جالعاستىرادى. وسىلاي ءسوز سانىنا بايلانىستى ۇپاي سانى بەرىلەدى. ەگەر اۆتورىن اتاسا، قوسىمشا تاعى 1 - ۇپاي بەرىلەدى.
16 - سلايد.
ساعان ءبىلىم جەمىسىن
وقۋلىعىڭ بەرەدى.
تالاي ادام سول ءۇشىن
ماڭداي تەرىن توگەدى.
17 - سلايد. جاۋابى: نەسىپبەك ايتوۆ "وقۋلىق"

18 - سلايد.
سۇر بۇلت ءتۇسى سۋىق قاپتايدى اسپان،
كۇز بولىپ، دىمقىل تۇمان جەردى باسقان.
بىلمەيمىن تويعانى ما، توڭعانى ما،
جىلقى ويناپ، بيە قاشقان، تاي جارىسقان.
19 - سلايد. اباي قۇنانبايەۆ "كۇز"

20 - سلايد.
- كىم جومارت؟
- باتىر جومارت -
حالىق ءۇشىن جانىن بەرگەن!
- كىم جومارت؟
ۇستاز جومارت -
بار بالاعا ءتالىم بەرگەن.
21 - سلايد. مۇزافار الىمبايەۆ "كىم جومارت؟ نە جومارت؟"

22 - سلايد.
عىلىم تاپپاي ماقتانبا،
ورىن تاپپاي باپتانبا،
قۇمارلانىپ شاتتانبا،
ويناپ بوسقا كۇلۋگە.
23 - سلايد. اباي قۇنانبايەۆ "عىلىم تاپپاي ماقتانبا"

24 - سلايد.
مەن ونىڭ ءتۇنىن سۇيەم، كۇنىن سۇيەم،
اعىندى وزەن، اسقار تاۋ، گۇلىن سۇيەم.
مەن ونىڭ قاسيەتتى ءتىلىن سۇيەم،
مەن ونىڭ قۇدىرەتتى ءۇنىن سۇيەم.
25 - سلايد. مۇقاعالي ماقاتايەۆ "وتان تۋرالى"

26 - سلايد.
بايتەرەكتىڭ باسىنا سەن شىقتىڭ با؟
سارىارقانىڭ ساف اۋاسىن جۇتتىڭ با؟
وزەگىڭدى جارىپ اپپاق ءبىر سەزىم،
ءوز ەلىڭنىڭ ۇلىلىعىن ۇقتىڭ با؟
27 - سلايد. كۇلاش احمەتوۆا "بايتەرەك"

28 - سلايد.
تۋعان ءتىلىم - بابام ءتىلى - ءوز ءتىلىم!
تۋعان ءتىلىم - انام ءتىلى - ءوز ءتىلىم!
تۋعان ءتىلىم - دالام ءتىلى - ءوز ءتىلىم!
تۋعان ءتىلىم - ادام ءتىلى - ءوز ءتىلىم!
29 - سلايد. ديحان ابىليەۆ "تۋعان ءتىلىم"

30 - سلايد.
كىم ۇلكەندى تىڭداسا،
كىم ۇلكەندى سىيلاسا،
ۇلكەن بولعان كەزىندە،
سىيلى بولماق ءوزى دە.
31 - سلايد. سىرباي ماۋلەنوۆ "اتا اقىلى"

32 - سلايد.
جىلىلىقتان جارالعان
قۇشاعى ونىڭ - تاڭ مەكەن.
مەنىڭ ايداي انامنان
اسقان سۇلۋ بار ما ەكەن؟
33 - سلايد. فاريزا وڭعارسىنوۆا "جىلۋ"
ءتورتىنشى ايالدامانىڭ قورىتىندىسىن شىعارۋ.
5. «ويماقتاي وي» ايالداماسى.
34 - سلايد. بەرىلگەن ارىپتەردى قوسۋ ارقىلى "مەيىرىمدىلىك" ءسوزىن شىعارۋ كەرەك.
36 - سلايد. جاۋابى كورسەتىلگەن.
بەسىنشى ايالدامانىڭ قورىتىندىسىن شىعارۋ.

ءىىى. قورىتىندى. ءار توپتىڭ ۇپاي سانى ەسەپتەلەدى.
ءۇش توپتىڭ وقۋشىلارى جيناعان ۇپاي سانىنا بايلانىستى بىلىمدەرى باعالانادى.
ءان ورىنداۋ "دوس بولايىق ءبارىمىز"

ءىV. كەرى بايلانىس. سىنىپتان تىس ءىس - شارادان مەن نە ءبىلدىم؟ جاۋاپتارىن وقۋشىلار ستيكەرگە جازىپ ىلەدى.