InfoHub Logo

ەرتەدە پاتشانىڭ ەكى قىزى بولىپتى. پاتشا ەكى قىزىن دا جاقسى كورىپ، قولىنان كەلگەنشە ولاردى ەشتەڭەدەنقاقپاي، قالاعاندارىن جاساپ، ايتقاندارىن ەكى ەتپەۋگە تىرىسادى ەكەن. دەگەنمەندە، ەكى قىز وسە كەلە مىنەزدەرى وزگەرە باستاپتى. ءبىر كۇنى ءبىلىمدى ءبىر ادام پاتشاعا قوناققا كەلىپتى. پاتشانىڭ قايعىلى ءتۇرىن كورىپ، سەبەبىن سۇراپتى. پاتشا: «ە-ە-ە… سۇراما، كۇلمەيتىن ءبىر قىزىم بار، دەرتىن ەشكىم بىلمەيدى»-دەيدى. «پاتشام، رۇقسات ەتسەڭ، سارايىڭىزعا قوناق بولايىن. مۇمكىن قىزىڭىزدىڭ قايعىسىنىڭ سەبەبىن تابارمىن»، — دەيدى جولاۋشى.پاتشا قۋانا رۇقسات ەتىپتى.

سول كۇننەن باستاپ ساياحاتشى ەكى قىزدى پاتشا رۇقساتىمەن جاسىرىن اڭدي باستاپتى. قاراسا ەكەۋى تۇندە جاتار الدىندا جاستىقتارىنىڭ استىنان ءبىر داپتەر شىعارىپ، ءبىر نارسەلەر جازىپ، تاڭەرتەن جازعاندارىن وقىپ، ورىندارىنان تۇرادى ەكەن. ساياحاتشى ءبىر كۇنى قىزدار ۇيىقتاعاننان كەيىن داپتەرلەرىن الىپ وقىسا، كىشى قىز وزىنە جاسالعان جاقسىلىقتاردى، ال ۇلكەن قىز تەك بولماشى ادىلەتسىزدىكتەردى جازىپتى.

ەرتەڭىندە ساياحاتشى كىشى قىزدان رۇقسات الىپ، ونىڭ داپتەرىن ۇلكەن قىزدىڭ جاستىعىنىڭ استىنا قويادى. تاڭ اتىسىمەن پاتشانىڭ ۇلكەن قىزى جاستىق استىنان داپتەردى الىپ وقىپتى. سارايداعىلار ەكەۋىنە دە بىردەي قاراعاندىقتان ول داپتەردە جازىلعانداردى جاتىرقاماپتى. وزىنە جاسالعان جاقسىلىقتار ەسىنە تۇسىسىمەن ءجۇزى جادىراپ، قۋانعاننان ءان سالا باستاپتى.

پاتشا ۇلكەن قىزىنىڭ قۋانعانىن كورىپ، ءوز قۇلاعى مەن كوزىنە ءوزى سەنبەپتى. بىردەن ساياحاتشىنى شاقىرىپ، بۇنى قالاي جۇزەگە اسىرعانىن سۇراپتى. ساياحاتشى: «پاتشام، ءومىر اينا سياقتى. ونىڭ جاقسى جاقتارىن ويلاساق، بىزگە ادەمى كورىنەر. ءسىزدىڭ ۇلكەن قىزىڭىز ءومىرىنىڭ جامان جاقتارىن ويلاعانى ءۇشىن باقىتسىز بولعان»، — دەپ جاۋاپ بەرەدى.

پاتشا ۇلكەن قىزىن شاقىرىپ، وعان ەندى داپتەرىنە تەك جاقسىلىقتاردى عانا جازۋعا كەڭەس بەرىپتى. سول كۇننەن باستاپ، پاتشانىڭ ەكى قىزى دا باقىتتى ءومىر ءسۇرىپتى.

نازار اۋدار:

ونەرپاز پاتشايىم

التىن قۇس

---