سىرماق قىپ استىنا
باينىڭ توقىمىن،
وتىنىڭ باسىنا
ءتورىنىڭ قوقىمىن
بۇكسىتىپ،
بىقسىتىپ،
قوقسىتىپ كەلتىردى.
وسىنىڭ بارىمەن
كوڭىلىندە ءمىنى جوق،
ءجۇزىنىڭ ءنارى مەن
بويىنىڭ سىنى جوق.
بۇكشيىپ،
سەكسيىپ،
تۇكسيىپ ءولتىردى.

كۇلكى بوپ كورگەنگە،
قۇربىعا ءقادىرسىز.
اس قىلىپ بەرگەنگە
شىداماس، سابىرسىز.
كەلدى، ويباي،
سالدى ايعاي،
تۇك قويماي بوقتادى.
ءسوزىنىڭ ءجونى جوق،
اقىلسىز تومىرىق،
قاتىننىڭ كۇنى جوق
قامشى مەن جۇدىرىق.
بارقىلداپ،
تارقىلداپ،
سالپىلداپ توقتادى.

---