قورقاق باي
ءبىر قورقاق باي بىلمەيدى قۇدايدى ءبىر،
كورىنگەنگە جالىنىپ جالپىلداپ ءجۇر.
«قاستىعىنان قۇتىلدىم ءبارىنىڭ» دەپ،
مالىن جالداپ كۇن كوردى سونىمەن قۇر.
ۇرى-قارى، مىقتىنىڭ ءبارى – بايى،
ولارعا كۇندە دايىن ەت پەن شايى.
ءالى جەتكەن كىسىن و دا جەيدى،
قولىنان ءىس كەلگەندە سولاي جايى.
ويلاساڭ، كوپ بۇل ەلدىڭ وسىندايى،
شوقىنعانى – داۋلەتى، قوي مەن تايى.
قورقامىن دەپ ادامنان قۇداي جاساپ،
ويىندا جوق جاراتقان ءبىر قۇدايى.
«ارانسىزبىن،– دەمەيدى،– اقتان ءولىپ»،
جانىن قورعاپ قالادى قۋعا كونىپ.
مۇنى قالاي مۇسىلمان دەي الامىز،
ءبىر قۇدايدان باسقاعا جۇرسە سەنىپ.
قۇتىلسىن-اق تار جەردە مالىن جالداپ،
ايلا قىلماق ادال عوي جاندى قارماپ.
«ارامعا باس» دەسە دە، اڭقىلدايدى،
«قورىقتىم» دەگەن بولا ما قۇدايدى الداپ.
ءبىرادارسىپ وتىرار «ا، قۇدايلاپ»،
پايداسى ءۇشىن ايلانىڭ ءبارىن سايلاپ.
ۇرىدان قورىققانىن سىلتاۋ قىلىپ،
تۋ بيەسىن الادى اتىن مايلاپ.
ۇرى بەرسە ءبىر جىلقى الاسى ءۇشىن،
«بىرەۋ بىلسە، ءتۇسسىن،– دەپ،– سىزبەن ءىسىم»،
ك...ىڭە تىق، نە قىلساڭ كوزىن جوعالت،
ال ەندى تازامىسىڭ، ۇرىمىسىڭ.
يەسىن بىلسەڭ-داعى ايتا المايسىڭ،
ۇرى مەن مىقتى كورسەڭ، قايقاڭدايسىڭ.
بەيشاراسىپ، بەيقامسىپ الدايتۇعىن،
بەينە سەن دە جادىگوي سايتاندايسىڭ.
ءبىر مىقتىنىڭ ۇستايسىڭ ەندى ەتەگىن،
قايدا اپارسا، سول بيلەر كوش جەتەگىن.
«پالەنشەنىڭ ۇستىنەن ارىز بەر» دەپ،
ءبىر مومىنعا سوقتىقتىڭ تەكتەن-تەگىن.
نەمەسە كۋا بولدىڭ ارام ىسكە،
توبەلەسسە، كىرىستىڭ زورلىق كۇشكە.
قۇدايدى بار دەمەدىڭ، ادام – قۇداي،
ءتاڭىرىڭ ىرزا بولدى ما بۇل جۇرىسكە.
جۋانعا جىلپىلدايسىڭ «جاعامىن» دەپ،
«نە قىلسام دا جاقىن بوپ باعامىن» دەپ.
باستاپ جۇرگەن بايىنىڭ باسى اۋىرسا،
ۇمتىلار «وكپەم الىپ قاعامىن» دەپ.
ىشىنەن شىن دوس ەمەس، جەك كورەدى،
«وسىنىڭ زورلىعى-اي!» دەپ كەكتەنەدى.
مالىن بەرىپ الادى باسىن ساتىپ،
مىقتىنىڭ زيانىنان سەكتەنەدى.
«تاۋەكەل قىل» دەگەندى ۇنامايدى،
تىم بولماسا، ءبىر جولى سىنامايدى.
«اق ىسىمە قۇدايىم جاق بولار» دەپ،
اللاعا سۇيەنۋگە شىدامايدى.
بايعۇس-اۋ، وسىمەنەن كەتكەنىڭ بە،
«قورقامىن» دەپ تۇبىڭە جەتكەنىڭ بە.
قيت ەتكەندە قىلپىلداپ تىنىم تاپپاي،
ومىرىڭدە جالتاقتاپ وتكەنىڭ بە؟!
«وعان بارما، ماعان كەل» دەمەيمىن مەن،
ويلانىپ، ءوز ىسىڭنەن ءوزىڭ جيرەن.
بۇيتە بەرسەڭ سەنىڭ دە ورنىڭ جامان،
وڭار قىلىق بۇل ەمەس، سوزىمە سەن.
كورىنگەنگە جالىنىپ جالپىلداپ ءجۇر.
«قاستىعىنان قۇتىلدىم ءبارىنىڭ» دەپ،
مالىن جالداپ كۇن كوردى سونىمەن قۇر.
ۇرى-قارى، مىقتىنىڭ ءبارى – بايى،
ولارعا كۇندە دايىن ەت پەن شايى.
ءالى جەتكەن كىسىن و دا جەيدى،
قولىنان ءىس كەلگەندە سولاي جايى.
ويلاساڭ، كوپ بۇل ەلدىڭ وسىندايى،
شوقىنعانى – داۋلەتى، قوي مەن تايى.
قورقامىن دەپ ادامنان قۇداي جاساپ،
ويىندا جوق جاراتقان ءبىر قۇدايى.
«ارانسىزبىن،– دەمەيدى،– اقتان ءولىپ»،
جانىن قورعاپ قالادى قۋعا كونىپ.
مۇنى قالاي مۇسىلمان دەي الامىز،
ءبىر قۇدايدان باسقاعا جۇرسە سەنىپ.
قۇتىلسىن-اق تار جەردە مالىن جالداپ،
ايلا قىلماق ادال عوي جاندى قارماپ.
«ارامعا باس» دەسە دە، اڭقىلدايدى،
«قورىقتىم» دەگەن بولا ما قۇدايدى الداپ.
ءبىرادارسىپ وتىرار «ا، قۇدايلاپ»،
پايداسى ءۇشىن ايلانىڭ ءبارىن سايلاپ.
ۇرىدان قورىققانىن سىلتاۋ قىلىپ،
تۋ بيەسىن الادى اتىن مايلاپ.
ۇرى بەرسە ءبىر جىلقى الاسى ءۇشىن،
«بىرەۋ بىلسە، ءتۇسسىن،– دەپ،– سىزبەن ءىسىم»،
ك...ىڭە تىق، نە قىلساڭ كوزىن جوعالت،
ال ەندى تازامىسىڭ، ۇرىمىسىڭ.
يەسىن بىلسەڭ-داعى ايتا المايسىڭ،
ۇرى مەن مىقتى كورسەڭ، قايقاڭدايسىڭ.
بەيشاراسىپ، بەيقامسىپ الدايتۇعىن،
بەينە سەن دە جادىگوي سايتاندايسىڭ.
ءبىر مىقتىنىڭ ۇستايسىڭ ەندى ەتەگىن،
قايدا اپارسا، سول بيلەر كوش جەتەگىن.
«پالەنشەنىڭ ۇستىنەن ارىز بەر» دەپ،
ءبىر مومىنعا سوقتىقتىڭ تەكتەن-تەگىن.
نەمەسە كۋا بولدىڭ ارام ىسكە،
توبەلەسسە، كىرىستىڭ زورلىق كۇشكە.
قۇدايدى بار دەمەدىڭ، ادام – قۇداي،
ءتاڭىرىڭ ىرزا بولدى ما بۇل جۇرىسكە.
جۋانعا جىلپىلدايسىڭ «جاعامىن» دەپ،
«نە قىلسام دا جاقىن بوپ باعامىن» دەپ.
باستاپ جۇرگەن بايىنىڭ باسى اۋىرسا،
ۇمتىلار «وكپەم الىپ قاعامىن» دەپ.
ىشىنەن شىن دوس ەمەس، جەك كورەدى،
«وسىنىڭ زورلىعى-اي!» دەپ كەكتەنەدى.
مالىن بەرىپ الادى باسىن ساتىپ،
مىقتىنىڭ زيانىنان سەكتەنەدى.
«تاۋەكەل قىل» دەگەندى ۇنامايدى،
تىم بولماسا، ءبىر جولى سىنامايدى.
«اق ىسىمە قۇدايىم جاق بولار» دەپ،
اللاعا سۇيەنۋگە شىدامايدى.
بايعۇس-اۋ، وسىمەنەن كەتكەنىڭ بە،
«قورقامىن» دەپ تۇبىڭە جەتكەنىڭ بە.
قيت ەتكەندە قىلپىلداپ تىنىم تاپپاي،
ومىرىڭدە جالتاقتاپ وتكەنىڭ بە؟!
«وعان بارما، ماعان كەل» دەمەيمىن مەن،
ويلانىپ، ءوز ىسىڭنەن ءوزىڭ جيرەن.
بۇيتە بەرسەڭ سەنىڭ دە ورنىڭ جامان،
وڭار قىلىق بۇل ەمەس، سوزىمە سەن.
You Might Also Like
