InfoHub Logo

2024 جىلعى

كليماتتىق مالىمەتتەر بويىنشا ءساۋىر ايى قازاقستاننىڭ بارلىق اۋماعىندا كوكتەمنىڭ باستالاتىن ۋاقىتى. ءساۋىر ايىندا كۇن تەز ۇزارىپ، كۇن كوكجيەكتەن جوعارى كوتەرىلەدى. ودان ءارى كۇن جىلىنادى.

ءساۋىر ايىندا قازاقستاننىڭ بارلىق اۋماعىندا ءبىر ايداعى ورتاشا اۋا تەمپەراتۋراسى نورمادان 1-2° جوعارى بولادى دەپ كۇتىلۋدە.

ءساۋىر ايىندا جاۋىن – شاشىن مولشەرى رەسپۋبليكا اۋماعىنىڭ باسىم بولىگىندە نورمادان كوپ، ۇلىتاۋ، قاراعاندى، پاۆلودار وبلىستارىندا، سولتۇستىك قازاقستان، اقمولا، جامبىل، الماتى، جەتىسۋ جانە اباي وبلىستارىنىڭ باسىم بولىگىندە، قىزىلوردا، تۇركىستان وبلىستارىنىڭ سولتۇستىك-شىعىسىندا جانە شىعىس قازاقستان وبلىستارىنىڭ سولتۇستىك-باتىسىندا  نورما شاماسىندا بولجانادى.

ءبىر اي ىشىندە كاسپييدىڭ وڭتۇستىگىنەن جانە رەسەيدىڭ ەۋروپالىق اۋماعىنان سيكلونداردىڭ اسەرىنەن اۋا-رايىنىڭ تۇراقسىزدىعى باسىم بولادى. جەلدىڭ كۇشەيۋى 15-20 م/س، جەكەلەگەن كۇندەرى ەكپىنى 23-28 م/س دەيىن (باتىستا جانە وڭتۇستىكتە شاڭدى داۋىلمەن)، رەسپۋبليكا بويىنشا نايزاعاي، بۇرشاق بولۋى مۇمكىن.

ءساۋىر ايىنىڭ ءبىرىنشى ونكۇندىگىنىڭ باسىندا جانە ەكىنشى جارتىسىندا ق ر باسىم بولىگىندە جاۋىن-شاشىن كۇتىلەدى: تۇنگى ۋاقىتتا جاڭبىر مەن قار تۇرىندە، كۇندىز جاڭبىر تۇرىندە كۇتىلەدى. 3، 10 ساۋىردە اباي جانە شىعىس قازاقستان وبلىستارىندا، ونكۇندىكتىڭ سوڭىندا 08-09 ساۋىردە ورتالىق جانە وڭتۇستىك - شىعىسىندا (ۇلىتاۋ، قاراعاندى، جامبىل وبلىستارى)، 09 ساۋىردە تۇركىستان، الماتى جانە جەتىسۋ وبلىستارىندا قاتتى جاۋىن-شاشىن بولادى دەپ بولجانۋدا. رەسپۋبليكا بويىنشا تۇمان، ەلدىڭ سولتۇستىگىندە، شىعىسىندا، ورتالىعىندا كوكتايعاق بولادى دەپ كۇتىلۋدە. جاۋىن-شاشىننىڭ توقتاۋى ەلدىڭ باتىسىندا ونكۇندىكتىڭ باسىندا، رەسپۋبليكانىڭ باسىم بولىگىندە ونكۇندىكتىڭ ورتاسىندا كۇتىلەدى.

ونكۇندىكتىڭ العاشقى كۇندەرىندە رەسپۋبليكانىڭ باسىم بولىگىندە اۋا تەمپەراتۋراسىنىڭ تومەندەۋى كۇتىلەدى: سولتۇستىك-باتىستا، سولتۇستىكتە، شىعىستا، ەلدىڭ ورتالىعىندا تۇندە -2-7°س دەيىن، كۇندىز +3+8°س دەيىن، سودان كەيىن 4 ساۋىردەن باستاپ اۋا تەمپەراتۋراسى تۇندە 0+5°س، كۇندىز +12+20°س دەيىن جوعارىلايدى. ونكۇندىكتىڭ سوڭىندا تەمپەراتۋرالىق فوننىڭ تۇندە -2-7°س دەيىن، كۇندىز +5+12°س دەيىن قايتا تومەندەۋى بولجانادى.

ءساۋىر ايىنىڭ باسىندا ەلدىڭ وڭتۇستىگى مەن وڭتۇستىك-شىعىسىندا اۋا تەمپەراتۋراسى تۇندە -5+3°س دەيىن، كۇندىز +5+15°س دەيىن تومەندەيدى، سودان كەيىن تۇندە +3+10°س دەيىن، كۇندىز +13+23°س دەيىن جوعارىلايدى دەپ بولجانۋدا. ونكۇندىكتىڭ سوڭىندا اۋا تەمپەراتۋراسى تۇندە -3+5°س دەيىن، كۇندىز +7+15°س دەيىن تومەندەۋى بولجانادى.

قازاقستاننىڭ باتىسىندا اۋا تەمپەراتۋراسىنىڭ نەگىزگى فونى تۇندە +2+9°س، كۇندىز +13+20°س قۇرايدى.

ءساۋىردىڭ ەكىنشى جانە ءۇشىنشى ونكۇندىگىندە يران مەن ورتا ازيا اۋداندارىنان جىلى اۋا ماسسالارىنىڭ شىعارىلۋىمەن تەمپەراتۋرالىق فون جوعارىلايدى:

ەلدىڭ سولتۇستىگىندە، ورتالىعىندا جانە شىعىسىندا تۇندە +2+10°س دەيىن، كۇندىز +15+25°س دەيىن؛

وڭتۇستىك وڭىرلەردە جانە ق ر باتىسىندا تۇندە +7+13°س دەيىن، كۇندىز +17 + 27°س دەيىن.

الايدا، سۋىق اۋا رايىنىڭ قايتالانۋى بولجانادى. رەسپۋبليكانىڭ سولتۇستىك، ورتالىق جانە شىعىس ايماقتارىنداعى رەسەي اۋماعىنان سۋىق اۋا ماسسالارىنىڭ اعۋى كەزىندە تەرمومەترلەردىڭ باعاندارى تۇندە -2-7°س-قا دەيىن، كۇندىز +6+11°س-قا دەيىن، وڭتۇستىك ايماقتاردا جانە ەلدىڭ باتىسىندا تۇندە -2+7°س-قا دەيىن، كۇندىز +10+18°س -گە دەيىن تومەندەۋى مۇمكىن.