سەنبە جۇرتقا، تۇرسا دا قانشا ماقتاپ

سەنبە جۇرتقا، تۇرسا دا قانشا ماقتاپ،
اۋرە ەتەدى ىشىنە قۋلىق ساقتاپ.
وزىڭە سەن، ءوزىڭدى الىپ شىعار،
ەڭبەگىڭ مەن اقىلىڭ ەكى جاقتاپ.

ءوزىڭدى سەنگىشتىكپەن اۋرە ەتپە،
قۇمارپاز بوپ ماقتاندى قۋىپ كەتپە.
جۇرتپەن بىرگە ءوزىڭدى قوسا الداسىپ،
سالپىلداپ ساعىم قۋعان بويىڭا ەپ پە؟

قايعى كەلسە قارسى تۇر، قۇلاي بەرمە،
قىزىق كەلسە، قىزىقپا، وڭعاققا ەرمە.
جۇرەگىڭە سۇڭگى دە، ءتۇبىن كوزدە،
سونان تاپقان شىن اسىل، تاستاي كورمە.


You Might Also Like

جاڭالىقتار

جارناما