شولپاننىڭ كۇناسى
سول زامانداعى سيرەك كەزدەسەتىن قۇبىلىس-ەكى عاشىقتىڭ ءسۇيىپ قوسىلۋى. سارسەنباي مەن شولپان ءبىر-بىرىن قاتتى جاقسى كورەتىن ماحاببات جارشىلارى. ءبىراق، بۇل ماحاببات شولپاننىڭ ويىنىڭ اسەرىنەن سۋىندى. العاش كەلىن بولىپ جۇرگەندە، قۇدايدان "بالا بولماسا" ەكەن دەپ جالبارىناتىن. ول بالا ەكى عاشىقتى ەكى جاققا ءبولىپ جىبەرەدى دەپ ويلادى. ارادا 3 جىل وتەدى. ەكەۋىنىڭ ماحابباتى ارتپاسا، كەمىگەن ەمەس. وسىنداي پاسىق ويلاردان، كوپ وتباسى باقىتىنا سىزات ءتۇسىپ جاتىر. شولپان بالا كەرەك ەكەنىن ءتۇسىندى. "بالالى ءۇي بازار، بالاسىز ءۇي مازار"، -دەگەندى تۇسىنە باستادى. ناماز وقىپ، بويىن تازا ۇستاپ، مولدا اتانۋعا دەيىن باردى. 8 جىل وسىلاي ءجۇردى. ءبىراق، سارسەنبايدى بەدەۋ دەپ ءتۇيدى. ويىنا كۇنالى ويلار كەلىپ، قايىن ىنىسىمەن كوڭىلدەستىك قىلدى. شولپاننىڭ بويىنا بالا دارىسا دا، ەكەۋى بىرگە بولۋىن توقتاتپادى. ارينە، "قازاننان قاقپاق كەتسە، يتتەن ۇيات كەتەدى" ەمەس پا؟ سارسەنباي شولپاننىڭ ءىسىن ءبىلىپ، تەپكىنىڭ استىنا الدى. وتباسىلىق ومىرگە قادام باسقاننان كەيىن ادامدار بىر-بىرىنە ادال بولۋ كەرەك. بۇل جەردە، شولپان مەن سارسەنباي وزدەرىن مازالاپ جۇرگەن تۇيتكىلدى سۇراقتارىن، بىر-بىرىنە دەگەن ايتا الماعان اڭگىمەلەرىن، بىرگە وتىرىپ شەشۋ كەرەك ەدى. سىرلاسۋ كەرەك ەدى. ءبىر-بىرىن تۇسىنبەگەندىكتەن، وتباسى اراسىنا سىزات ءتۇستى.
"بىرەۋلەر قۇدايدان بالا تىلەيدى. ول بالانى نە قىلادى؟ولسەم ورنىمدى باسسىن دەيدى، ارتىمنان قۇران وقىسىن دەيدى، قارتايعان كۇنىمدى اسىراسىن دەيدى"، -دەگەن ابايدىڭ ونىنشى قارا ءسوزى ەسىمە ءتۇسىپ تۇر. بالانىڭ ورنى ءارقاشاندا بولەك ەكەنىن ۇعىنساق دەيمىن.
تۇرعانبەك ءبيبىفاتيما
You Might Also Like
-
عىلىمي جاريالانىمدارعا ارنالعان جۋرنالدار قاتارى ارتادى. بۇل جايىندا ق ر ءبىلىم جانە عىلىم ءمينيسترى اسحات ايماعامبەتوۆ Facebook پاراقشاسىندا جازدى.
-
بيىل ۇلتتىق ءبىرىڭعاي تەستىلەۋ ناتيجەسى بويىنشا بەلگىلەنگەن شەكتى بالل دەڭگەيى قانداي. وسى ورايدا ءبىلىم جانە عىلىم مينيسترلىگىنىڭ باسپا ءسوز قىزمەتى تۇسىنىك بەردى.
