InfoHub Logo

قوجاناسىردىڭ ءوزى وتە جاقسى كورەتىن باعلان قوزىسى بار ەكەن. جولداستارى بىرنەشە رەت «باعلان قوزىڭدى سويىپ ءبىر تويدىرساڭشى» دەگەندى ەمەۋرىنمەن ءبىلدىرىپ جۇرەدى. ءبىر كۇنى ولار قوزىنى ۇرلاپ، باققا اپارىپ، سويىپ جەپ ءبىر تويلاپتى. قوجاناسىر ابدەن قاپا بولىپ، جولداستارىنان ءوش الاتىن كەزدى كۇتەدى. اقىرى، ول ءبىر جولداسىنىڭ تەكەسىن ۇرلاپ، سويىپ، ەتىن ۇيىنە اپارادى. جولداسى مۇنى سەزىپ، قوجاناسىردى كورگەن سايىن تەكەسىن ماقتاي بەرىپتى:

— مەنىڭ تەكەم وتە سەمىز ەدى، ءجۇنى دە جىبەكتەي ەدى!..

قوجاناسىر مۇنى تالاي مارتە ەستيدى، ءتىپتى قۇلاعى جاۋىر بولعان سوڭ، شىداي الماي بالاسىنا:

— بالام، بار دا، تەكەنىڭ تەرىسىن اكەل، تەكەنىڭ قانداي سەمىز بولعانىن مىنا مەيىرىمدى جاندار ءوز كوزدەرىمەن كورسىن! بالكىم، ول سوندا اۋزىن جاباتىن شىعار! — دەگەن ەكەن.

 

---