سۇلۋلىق جەتكىلىكتى مە؟
فرانسيا يمپەراتورى 3ء-شى ناپولەون ءوز زاماناسىندا دۇنيەنىڭ ەڭ ادەمى ايەلى سانالعان تەبا گرافينياسى ماريا ەۆگەنيامەن ۇيلەنۋگە شەشىم قابىلداعانىن جاريالاعانىندا كوپشىلىكتىڭ تاڭدانىسىمەن نارازىلىعىن تۋعىزدى. تاجىريبەلى كىسىلەر بۇل شەشىمىنىڭ دۇرىس ەمەستىگىن ايتتى. ال ناپولەون ايتىلعان سوزدەرگە قۇلاق اسپادى جانە بۇل شەشىمىن جۇزەگە اسىردى. ەكەۋى دە ءبىرىن-بىرى قاتتى جاقسى كورەتىن. ەكەۋى دە تانىمال، ادەمى، ۇلكەن بايلىققا يە ەدى. ءبىراق، بىرنارسە جەتىسپەيتىن. ايەلى وتە سۇلۋ بولعانىمەن وتە جامان مىنەزدى ەدى. ەۆگەنيانىڭ حانشايىم بولۋى دا، ماحابباتتارىنىڭ كۇشى دە، تاقتىڭ قۇدىرەتى دە بۇل وتباسىنىڭ قۇلدىراۋىنىڭ الدىن الا المادى. ەۆگەنيا ناپولەون ءۇشىن ناعىز باس اۋرۋىنا اينالدى. كۇماندار ىشىندە ارپالىسقان ەۆگەنيا، ناپولەوننىڭ ەڭ بوسامايتىن كەزىندە جانىنا باراتىن، ەڭ ماڭىزدى كەزدەسۋلەرىن ۇزەتىن، ايقايلاپ، شۋ شىعاراتىن. ويىنا كەلگەنىن ىستەيتىن، اپكەسىنىڭ جانىنا قاشاتىن، كۇيەۋىنەن شاعىمدانىپ جىلايتىن، سوڭىندا ناپولەونعا قايتىپ كەلىپ ايىپتاۋلارىن جاۋدىراتىن.
الىپ سالتاناتتىڭ، ءزاۋلىم سارايدىڭ يەسى بولعان ناپولەون، ءبىر ءسات ويلارىن جيناقتاۋ ءۇشىن ءبىر بولمە تابۋدان قالدى. ايەلىنىڭ تەڭدەسسىز سۇلۋلىعى ەندى ونىڭ قورقىنىشتى تۇسىنە اينالدى. بۇرىن ونىڭ جۇزىنە قاراعانىندا راحاتتاناتىن ناپولەون ەندى ونى كورمەگەن ساتتەرىندە راحاتتاناتىن بولدى.
جامان مىنەزدىڭ ۋلى اسەرى جانە ايەل ايقايى پاتشانى دا ۇيىنەن قاشىردى.
20 جىل اجىراسۋ ىستەرىمەن اينالىسقان تانىمال ادۆوكات بىلاي دەيدى:
«ەر ادامداردىڭ ءوز ۇيىنە ەرتە بارۋدان قاشىپ، قاڭعىرىپ كەتۋلەرىنىڭ ەڭ ماڭىزدى سەبەبىنىڭ ۇيدەگى ايەلدەرىنىڭ ىزىڭى بولۋى ەكەندىگىنە كۋا بولىم. كوپ ايەلدەر ءوز وتباسىلارىنىڭ مازارىن وسىلاي قازادى...»
جار تاڭداعاندا وتباسىلىق ءومىرىڭىزدى باقىتتى قىلۋ جانە ءۇيىڭىزدى توزاق ازابىنا اينالدىرماۋ ءۇشىن، بارلىق نارسەدەن بۇرىن ايەلدە جاقسى مىنەز ىزدەۋ كەرەك. پايعامبارىمىز 1400 جىل بۇرىن وتباسى باقىتىنىڭ فورمۋلاسىن بىلاي دەپ بىلدىرگەن:
«ايەل بايلىعى ءۇشىن، سۇلۋلىعى ءۇشىن نەمەسە ءدىنى ءۇشىن الىنادى. ءسىز ءدىندار بولعانىن، جاقسى مىنەزدى بولعانىن الىڭىز! بايلىعى ءۇشىن العان، بايلىعىنا قاۋىشا المايدى. تەك سۇلۋلىعى ءۇشىن العاندار دا سۇلۋلىعىنان ماقرۇم قالادى.»
You Might Also Like
-
عالىمدار تەڭىز بالدىرلارىنىڭ قۇرامىنداعى شەكەردى وتىنعا (جانارمايعا) اينالدىراتىن تەحنيكا ويلاپ تاپتى. الداعى 3-4 جىل ىشىندە تەڭىز بالدىرلارىنان الىناتىن جانارمايلار كولىك تۇرلەرىنە قولدانىمعا وتەد...
-
ءبىر اپتالىق جۇمىس كۇنىنەن قاجىعان ادام جەكسەنبىنىڭ تاڭىندا قولىنا گازەت الىپ شارشاعانىن باسىپ، كۇنى بويى ۇيدە وتىرۋدى ۇيعارادى. ءدال وسىنى ويلاپ وتىرعانىندا بالاسى جۇگىرىپ كەلىپ پارككە قاشان باراتىن...
