تاۋعا كەلسەڭ، قىستا ەمەس،
كۇزدە كەلگىن!
قارسى الدىڭنان تابىلار ىزدەگەنىڭ.
جاپىراقتىڭ كورەسىڭ ءالى-داعى،
تىرشىلىكتەن كۇدەرىن ۇزبەگەنىن.
ويلاندىرار شاق قوي ءبىر - كۇز دەگەنىڭ.
ويلاندىرار كۇز دەگەن - كىشى بەسىن،
كۇن توبەڭنەن اۋعانىن تۇسىنەسىڭ.
ەسكى جۇرتتى كورگەندە جايلاۋداعى،
قۇلىن دا جوق جەلىدە بايلاۋداعى،
شىداپ باققىن، ءبىر ساتكە مۇسىرەرسىڭ!
جازىندى ەسكە جابىعىپ تۇسىرەرسىڭ.
جادىدا كەپ جالپاق جاز، ب ا ق - مەكەنىڭ،
تۇسىنەسىڭ دۋماندى شاق تا وتەرىن.
قۇلاق ءتۇرىپ، قۋرايدىڭ ىزىڭىنا،
ۇعىناسىڭ ءومىردىڭ ءتاتتى ەكەنىن.

---