InfoHub Logo

«مىڭ ءبىر ماقال، ءجۇز ءبىر جۇمباق» سايىسى
تاقىرىبى: ءتىل قۇدىرەتى
ماقساتى: اتا - بابادان قالعان وشپەس مۇرا، كولەمى جاعىنان شاعىن بولعانىمەن مازمۇنى تەرەڭ قىمبات قازىنا ماقال - ماتەلدەردى وقۋشىلارعا ۇيرەتىپ ۇعىندىرۋ؛
وي بەلسەندىلىگىن سوزدىك قورىن مولايتۋ؛
وتباسى ءداستۇرىن ساقتاۋعا، اتا - انالارىن، قارتتاردى سىيلاۋعا، قۇرمەتتەۋگە تاربيەلەۋ.
جوسپار:
- ويىندى اشۋ
- ويىنشىلاردى تانىستىرۋ
- قازىلارمەن تانىستىرۋ
- ويىن ءتارتىبىن ءتۇسىندىرۋ
- ماقالشىلار سايىسى
- جۇمباقشىلار سايىسى
- ماقالشى مەن جۇمباقشى سايىسى
- ءان شاشۋ
- قورىتىندى
بارىسى:
ءمۇعالىم: كۇز مەزگىلى ءسانىمىز،
بالداۋرەن ءبىزدىڭ ءانىمىز.
ءبىز باستادىق سايىستى،
قوش كەلىپسىز ءبارىڭىز.
قۇرمەتتى ۇستازدار، وقۋشىلار «مىڭ ءبىر ماقال، ءجۇز ءبىر جۇمباق» سايىسىن باستاۋعا رۇقسات ەتىڭىزدەر. ورتاعا بۇگىنگى قاتىسۋشىلارىمىزدى شاقىرامىز.
----------------------------------------------------
ءمۇعالىم: قازىلار ورنىقتىرار ادىلدىكتى،
قاي توپتىڭ جاۋاپتارى كادىك شىقتى.
«1001 ماقال، 101 جۇمباق» سايىسىندا،
جەڭىسكە جەتەر دەيمىز ناعىز مىقتى.
ويىندى باستاماس بۇرىن سىزدەردى وسى سايىسقا ءادىل باعا بەرەتىن، ءار اينالىمنىڭ ەسەبىن شىعارىپ، قورىتىندىسىن ايتاتىن قازىلارمەن تانىستىرىپ وتەيىك.
-------------------------------------------------------
ءى تانىستىرۋ.
1 - اينالىم: ماقال ايتۋ. «ماقالشىلار سايىسى» (سايىسقا قاتىساتىن وقۋشىلار شاقىرىلادى، 5 وقۋشى قاتىسادى، ءبىرىنشى اينالىمدا ءبىر وقۋشى شىعادى).
1 - اينالىم 3 تاپسىرمادان تۇرادى.
1 - تاپسىرما: ءار ماقالشى وزدەرى دايىنداپ كەلگەن ماقالدارىن ايتادى.

2 - تاپسىرما: ماقالدىڭ العاشقى جولى وقىلادى، ال ويىنشى جالعاستىرادى. (جالعاستىرا الماسا قارسىلاسى جالعاستىرادى)
1. انانىڭ كوڭىلى بالادا،
بالانىڭ كوڭىلى دالادا.
2. انانىڭ ءسۇتى - بال،
بالانىڭ ءتىلى - بال.
3. ۇلدىڭ ۇياتى اكەگە،
قىزدىڭ ۇياتى شەشەگە.
4. اناڭدى مەككەگە ءۇش رەت ارقالاپ اپارساڭ دا،
قارىزىنان قۇتىلا المايسىڭ.
5. كوپ جاساعان بىلمەيدى،
كوپتى كورگەن بىلەدى.
6. ادەپتى بالا – ارلى بالا،
ادەپسىز بالا سورلى بالا.
7. قارت كىسىنى قادىرلە،
وزىڭدە قارت بولارسىڭ.
8. تۋعان جەردىڭ ءقادىرىن،
شەتتە جۇرسەڭ بىلەرسىڭ.
9. قىنا تاسقا بىتەدى،
ءبىلىم باسقا بىتەدى.
10. ءسوزدىڭ كوركى – ماقال،
ءجۇزدىڭ كوركى – ساقال.
11. ءبىلىمسىز ءومىر...
12. وتانسىز ادام -...
13. تۋعان جەردەي جەر بولماس...
14. وتان ءۇشىن وتقا ءتۇس -...
15. نە ەكسەڭ سونى -...
16. وقۋ ءبىلىم بۇلاعى -...
17. جاقسىعا ءسوز ىلەسەدى،...
18. تۋعان جەردىڭ ءقادىرىن،...
19. بال تامعان تىلدەن،...
20. جىلى - جىلى سويلەسەڭ،..

ءمۇعالىم: ءبىرىنشى اينالىم اياقتالدى، ءادىل - قازىلار شەشىمىن شىعارىپ جاتىر، ال ءبىز بي تاماشالايىق.

2 - اينالىم: «جۇمباقشىلار سايىسى». ەندەشە ورتاعا بۇگىنگى سايىستىڭ 2 - اينالىمىنا قاتىساتىن جۇمباقشىلارىمىزدى شاقىرامىز (1 وقۋشى شىعادى).
ءمۇعالىم: بۇل سايىس 2 تاپسىرمادان تۇرادى.
1 - تاپسىرما: جۇرگىزۋشى جۇمباق ايتادى، ويىنشى شەشۋىن تابادى، ءۇش تىلدە ايتادى.
1. اق ساندىعىم اشىلدى،
ىشىنەن جىبەك شاشىلدى. (كۇن)

2. الاسا عانا بويى بار،
توعىز قابات تونى بار. (پياز)

3. اياعى جوق جۇرەدى،
اۋزى جوق سويلەيدى. (حات)

4. بىردە وراقپىن،
بىردە دوپپىن،
بىردە بارمىن، بىردە جوقپىن. (اي)

5. ءبىر ۇيگە كوزسىز بوپ باسىڭدى سۇعاسىڭ،
بۇل ۇيدەن كورەگەن بولىپ شىعاسىڭ. (مەكتەپ)

6. بەتىن ادام اشادى،
ءبىلىم نۇرىن شاشادى. (كىتاپ)

7. تىكەن - تىكەن تىك پىستە،
قىسى - جازى ءبىر تۇستە. (شىرشا)

8. كوشە بويلاپ اياڭدايدى،
ادام تاسىپ ايالدايدى. (اۆتوبۋس)

9. ءتۇسى قىزىل، قۇيرىعى ۇزىن،
ءوزى قۋ، جۇرگەن جەرى ۋ - شۋ. (تۇلكى)

10. تاقىلداتىپ تاڭدايدى،
ۋاقىتتان ءبىر قالمايدى. (ساعات)

11. تيىسكەندى تۇيرەگەن،
كيىمى بار ينەدەن. (كىرپى)

12. جولبارىسقا ۇقسايدى،
تىشقاندى عانا ۇستايدى. (مىسىق)

ءمۇعالىم: 2 - تاپسىرما ەكى ويىنشى قالادى. وزدەرىنىڭ دايىنداپ كەلگەن جۇمباقتارىن ءبىر - بىرىنە ايتىپ شەشۋىن تابادى.
اعىلشىنشا ولەڭ.
2 - اينالىم جەڭىمپازدارى انىقتالىپ 3 - اينالىمعا قاتىسادى.
ءمۇعالىم: «ماقالشى مەن جۇمباقشى سايىسى». 3 - اينالىمعا 2 اينالىمنىڭ جەڭىمپازدارى شىعادى. جۇرگىزۋشى جۇمباقشىعا جۇمباق ايتادى. جۇمباقشى شەشۋىن تابادى، ءۇش تىلدە ايتادى. ال ماقالشى جۇمباقتىڭ شەشۋىنە بايلانىستى ماقال ايتادى.

1. بالاسىمىن دالانىڭ،
تۋعاننان داقسىز قارامىن.
قىس كەلسە جۇرتتى جىلاتىپ،
ءۇيدى ۇيگە بارامىن. كومىر

ەڭبەكسىز ءومىر – سونگەن كومىر.

2. ءسوزى دانا ءۇنى جوق،
سويلەمەيدى ءتىلى جوق.
قولىنا الساڭ – شەشەن،
اقىلى اسقان كوسەم. (كىتاپ)

كىتاپ – ءبىلىم بۇلاعى،
ءبىلىم – ءومىر شىراعى.

3. توڭكەرىلمەيتىن كۇبى،
كوتەرىلمەيتىن كۇبى،
شۇپىلدەپ – اق تۇرسا دا،
كورىنەدى كۇبى. (قۇدىق)

وقۋ ينەمەن قۇدىق قازعانداي.
ءمۇعالىم: - ال ەندى قۇرمەتتى كورەرمەندەر ءادىلقازى القاسى وزدەرىنىڭ ءادىل شەشىمىن شىعارعانشا ءبىز كەرەمەت ءان تىڭدايىق.

ءادىلقازىلارعا ءسوز بەرەيىك
- اتالار سوزىمەنەن ءوسىپ ونگەن،
بابالار بۇلاعىنان ءنار العان.
دانالار وسيەتىنەن تاربيە العان
ۇلىلار تاربيەسىنە تاعزىم ەتكەن
ۇرپاعىمىز حالىقتىڭ عيبرات ەتكەن – دەپ ءسوزىمدى اياقتاپ ۋاقىتتارىن ءبولىپ بۇگىنگى سايىسقا قاتىسۋعا كەلگەن قوناقتارىمىزعا ۇلكەن راحمەتىمىزدى ايتامىز. بۇگىنگى باستامامىز ءارى قاراي جالعاسىن تابا بەرسىن. راحمەت.