تويىمسىز ءناپسى، تۇراقسىز دۇنيە
ءولىمنىڭ حاق ەكەنىن كورسەڭ دە،
ولمەستەي ومىراۋلاپ، شاتاسىڭ.
توزاقتىڭ بارىن ءبىلىپ جۇرسەڭ دە،
كۇناعا، ءالىڭ كەلسە، باتاسىڭ.

ساۋاپ كوپ عيباداتتا دەسەڭ دە،
جالىعىپ، جالقاۋلانىپ جاتاسىڭ.
ادالدىڭ ادال ريزقىن جەسەڭ دە،
ارامدى ادەيى ىزدەپ تاتاسىڭ.

سىرتىڭدى سىلاناسىڭ ءوڭ بەرىپ،
ءىشىڭنىڭ تۇزەتپەيسىڭ حاتاسىن.
ايلا مەن الداعاندى ءجون كورىپ،
ادامدى اڭ ورنىنا اتاسىڭ.

جالعاننىڭ ءبىر پايداسىن كورگەندە،
ارلانباي ارىڭدى دا ساتاسىڭ.
اللاھتىڭ اق ءولىمى كەلگەندە،
امالسىز قارا تاستاي قاتاسىڭ.


You Might Also Like

جاڭالىقتار

جارناما