تۇرسىن سولاي، بولسىن سولاي ءبارى دە،
بىلەم، مەنىڭ قوسىلمايسىڭ انىمە.
سەنىڭ كوڭلىڭ قايدا ەكەنى بەلگىسىز،
مەنىڭ كوڭلىم سەنىكىنەن ارىدە.
سەنىڭ كوڭلىڭ قايدا ەكەنىن بىلە الماي،
مەكەن تاۋىپ،شىققان بولار قۇماردان.
بار پوەزدى جەتەلەگەن رەلستەي،
بارلىق جاندى جەتەلەمەس ءبىر ارمان.
بولسىن سولاي،تۇرسىن سولاي،سولاي عوي...
ءاربىر ادام ءبىر-بىر جىنىس توعاي عوي.
نۋ ورماننان شىققاننان دا جول تاۋىپ،
ەركىن كەلىپ، ەنىپ كەتۋ - وڭاي عوي.

---