كەلدى گوي ەندى مىنە جاسكا بالام.
ومىردە ار كادام كۋتتى بولسىن،
ەشكىمنىن الا ءجىبىن باسپا بالام.الا ءجىبىن جالگاننىن ەستىك بۋگىن
كوشاكان تۋساۋىندى كەستىك بۋگىن
كولدى جاي اگايىن ءبىر كىسىدەي،
كۋتتى كادام بالاگا دەستىك بۋگىن.
كۋت كادام تىلەيمىز بۋلدىرشىنگە
ەكى باسىپ،ءبىر كۋلاپ كۋلدىرسىن دە
ومىردە كۋلاماسىن دۋرىس ءجۋرىپ،
حالكىنا ادال بولىپ ار ىسىندە.
تۋساۋ كەسەر اپاسى كۋتتى بولسىن
بوتاكان كادامىن مىكتى بولسىن
تىلەۋى تۋستاردىن كابىل بولىپ،
اناسى باۋىرىنا جۋكتى بولسىن.
بالانىڭ تۇساۋىن كەسۋگە ارنالعان باتا
كەسىلدى، بالام، تۇساۋىڭ،
جالتاقتاماي اياق باس.
بيىك بولىپ ۇشارىڭ
اسقارلارمەن قاناتتاس.
قاسىڭ قۇرار ايلا مىڭ —
قاپىلىستا سۋرىنبە.
جالتان قۇشاق جايتاننىڭ
پىشاعىنا ىلىنبە.
تۇساۋ كەسەر باتاسى
قاز-قاز، بالام، قاز بالام،
قادام باسساڭ ءماز بولام.
كۇرمەۋىڭدى شەشەيىن،
تۇساۋىڭدى كەسەيىن.
قاز-قاز، بالام، قاز، بالام،
تاقىمىڭدى جاز، بالام.
قادامىڭا قارايىق،
باسقانىڭدى سانايىق.
قاز-قاز، بالام، جۇرە عوي،
بالتىرىڭدى تۇرە عوي.
تاي-قۇلىن بوپ شابا عوي،
وزىپ بايگە الا عوي.
قاز باسا عوي، قاراعىم،
قۇتتى بولسىن قادامىڭ!
ومىرگە اياق باسا بەر،
اسىلاردان اسا بەر.
جۇگىرە قويشى، قۇلىنىم،
جەلبىرەسىن تۇلىمىڭ.
ەلگەزەك بول، ەرىنبە،
ىلگەرى باس، شەگىنبە.
تۇساۋ كەسەرگە باتا
و، حالايىق، قول جايىپ،
توي تىلەۋىن قولدايىق.
مۇسىلماننىڭ زاڭدارىن،
بارشا اعايىن قورعايىق.
توق ىشەك پەن الا ءجىپ،
جاسىل شوپپەن جاراسىپ،
ءۇش تۇرمەنەن كەسەيىك،
تۇساۋدى ءبىز ساناسىپ.
ءتاي-تاي باسىپ جۇرەتىن،
قۋانىش قىلىپ كۇلەتىن،
جۇيرىك بولسىن بالاڭىز،
مىڭنان وزىپ جۇرەتىن.
قامقور بولىپ حالقىنا،
بەرىك بولسىن انتىنا.
ەسەيگەندە قىمباتتى،
سىيلى بولسىن جالپىعا.
ءبۇلدىرشىنىم تانىپ ال،
كوپ تلەۋىن قابىل ال،
ءتىل مەن كوزدەن ساقتاسىن،
بويعا تۇمار تاعىپ ال.
قىزىقتارىڭ حالايىق،
توي دۋمان عىپ تارايىق،
بالاقايىم وسسە ەكەن،
ەل جۇرتىنا لايىق.
ءامين، قابىل بولسىن!
ءقادىرلى مەيماندار! اسىل اعايىندار!
ءتاي-تاي باسقان، تاۋدان اسقان بالامىزدىڭ تۇساۋى كەسىلىپ، بولاشاعىنا جول اشىلعانداي كۇي كەشۋدەمىز. قۇتتى بولسىن بۇل قادامى بالانىڭ! ەشقاشان سۇرىنبەسىن، دۇشپان كوزىنە ىلىنبەسىن، ءاردايىم كۇلىمدەسىن، وقىس باسقان قادامى ەش ۋاقىتتا بىلىنبەسىن!
*** *** *** ***
بۇگىن التىن بالامىزدىڭ تۇساۋى كەسىلدى، كۇرمەۋى شەشىلدى. بولاشاعىنا قادام باستى، سول قادامدى كىشكەنتاي ءبىر ادام باستى.
ءومىر جولى جارقىن بولسىن، قۋانىشقا بار كۇن تولسىن! كوزىنەن جاس اقپاسىن، ۋدىڭ ءدامىن تاتپاسىن! باتپاقتارعا باتپاسىن، ەلىن-جۇرتىن ماقتاسىن! سۇرىنبەسىن – ءاردايىم وسىلاي مەن زارلايىن! باسىنا ب ا ق ورناسىن، قىدىر ونى قولداسىن!
*** *** *** ***
قۇرمەتتى قوناقتار! اعايىن-تۋىس، باۋىرلار!
بۇگىن تۇساۋى كەسىلگەن ازاماتىمىزدىڭ دەنى ساۋ بولىپ، اتا-اناسىنا قۋانىش پەن باقىت سىيلاسىن. ومىردە سۇرىنبەسىن. ءاربىر باسقان قادامى وڭعارىلىپ، قىدىر اتا قولداپ ءجۇرسىن!
*** *** *** ***
تۇساۋى كەسىلگەن كىشكەنتاي ازاماتىمىزدىڭ ءومىرى نۇرعا بولەنىپ ءجۇرسىن! جۇرەگى شۋاقتى بولسىن، بىلەگى قۋاتتى بولسىن! سۇرىنبەي العا ۇمتىلسىن، جولىن كەسىپ كىم تۇرسىن! ب ا ق اكەلسىن بارىڭە – جاسى مەنەن كارىڭە!
*** *** *** ***
انانىڭ تىلەگى
وقۋدا زەرەك بول، ۇيقىدا سەرگەك بول!
ىستە شەبەر بول، تۇيىقتا كوسەم بول!
ويدا ءماندى بول، تويدا ءساندى بول!
ۇلكەنگە تەڭ بول، كىشىگە كەڭ بول!
ەل ءۇشىن جاۋىر بول، جاقسىعا باۋىر بول!
دوستارىڭ ءسۇيىنسىن، دۇشپانىڭ كۇيىنسىن!
قۇلقىنعا ەلىكپە، ماقتانعا جەلىكپە!
*** *** *** ***
اكەنىڭ تىلەگى
ەسكەن جەلدەي جۇيرىك بول،
قاراعايداي سۇيرىك بول!
ءوز ىسىڭە بەرىك بول،
اتا-اناڭا سەرىك بول!
ۇكىدەي ۇلپىلدەپ تۇر،
جورعاداي بۇلكىلدەپ ءجۇر!
شارشاماي شارىقتاعىن،
ەشقاشان تارىقپاعىن!
جولىڭ اشىق بولسىن،
الدىڭ ءناسىپ بولسىن!
دوستارىڭ كوبەيسىن:
دوسسىز – كەدەيسىڭ!
كەدەرگىنىڭ كەسىرى تيمەسىن،
جاقسىلىق ءىسىڭ كۇيمەسىن!
ادىمىڭ العا عانا سۇيرەسىن.
*** *** *** ***
اتا ايتار ءبىر تىلەك
ەلىڭە ىرىس-قۇت ورناسىن،
جەرىڭە تىنىشتىق ورناسىن!
وسەك اياننىڭ قۇربانى بولما،
وزبىرلاردىڭ شۇلعاۋى بولما!
ءجۇزىڭ نۇرلى بولسىن،
جۇرەگىڭ سىرلى بولسىن،
ءتىلىڭ جىرلى بولسىن –
جىگىتتىڭ سۇلتانى اتانىپ،
ونەرىڭ سەگىز قىرلى بولسىن!
*** *** *** ***
باسىپ جاتىر ءبىر قادام، ەكى قادام،
شوقتى قارا كوزىنەن شاشىراعان.
قۋانىشپەن كەۋدەدەن جاسىرا الماي،
ءتور ىزدەيدى تىرشىلىك-ساحنادان.
بالدىرعاندى بال ءۇمىت العا سۇيرەپ،
ءتاي-تاي باستى، قادامىڭ العاش رەت.
قاز-قاز تۇرىپ،
قارىشتاپ ءجۇرىپ كەتسىن،
اتا-انانىڭ سوقپاعى، جالعاسى بوپ.
تۇساۋىن كەس ءسابيدىڭ، بار دا جىلدام،
قۇر قالماسىن ءومىردىڭ سايرانىنان.
شاپقىلاسىن تۋعان جەر توسىندە ەركىن،
جىگىت بولسىن جەلى ەسكەن ايدارىنان.
*** *** *** ***
ءتاي-تاي باسقان كىشكەنتايىمىزدىڭ تۇساۋى كەسىلىپ، بولاشاعىنا جول اشىلعانداي كۇي كەشۋدەمىز. قۇتتى بولسىن! ءومىر جولى اق، ءتۇزۋ بولسىن! ەشقاشان سۇرىنبەسىن، دۇشپان كوزىنە ىلىنبەسىن! ءومىرى نۇرعا، كوڭىلى جىرعا بولەنىپ ءجۇرسىن!
كىشكەنتاي ادامنىڭ باسقان قادامى قۇتتى بولسىن! ارايلاپ اتقان ءار تاڭى قۋانىشقا تولى بولسىن! كوزىنەن جاس اقپاسىن، جاماندىقتىڭ ءدامىن تاتپاسىن! قادامىن سۇرىنبەي باسىپ، تەك قانا العا ۇمتىلسىن، باسىنا ب ا ق ورناسىن، قىدىر قولداسىن!
*** *** *** ***
تۇساۋىڭ كەسىلدى، قۇلاما،
تىزەڭدى جارالاپ جىلاما.
قۇلىنداي قۇلدىراپ جۇگىرشى،
كانىكي ءوزىڭدى سىنا دا
سەكىرسەڭ قۇزداردان سۇرىنبە
شىڭدارعا شىققاندا بۇگىلمە.
بولاتتاي قابىرعاڭ قاتايىپ،
وت ۇشقىن ويناسىڭ تۇگىڭدە.
ۇزاق بوپ ينشاللا ءومىرىڭ،
تاسىسىن شاتتىقتان كوڭىلىڭ.
جارقىراپ كۇن ساناپ وسە بەر،
جارقىلداپ سەمسەردەي سەنىمىڭ.
*** *** *** ***
كەسىلدى بالام تۇساۋىڭ،
جالتاقتاماي اياق باس!
بيىك بولىپ ۇشارسىڭ،
اسقارلارمەن قاناتتاس.
*** *** *** ***
