ۇيىقتاسام تۇسىمە ىلعي تاۋ كىرەدى،
تاۋ جايلاپ، تاۋ قىستاعان.شال جۇرەدى.
باسىندا اق قالپاعى، جۇننەن شەكپەن،
استىندا بالپاڭ باسقان سال-كۇرەڭى.
سويلەسۋگە، مەنىمەن سىرلاسۋعا،
شاقىرادى، كىم ءبىلسىن، مۇڭداسۋعا،
ەندى جەتە بەرگەندە، عايىپ بولىپ،
وتىرادى باسقا ءبىر قىر باسىندا.
شاقىرادى، وتىرىپ قىر باسىندا.
شىبىنداعان كۇرەڭى تۇر قاسىندا.
تاعى جەتە بەرگەندە، عايىپ بولىپ،
وتىرادى باسقا ءبىر شىڭ باسىندا.
ءولىپ-تالىپ، وعان دا جەتەمىن دە،
كوز سالام تاۋدىڭ الىس ەتەگىنە.
شالىم كەتىپ بارادى ءوز جايىمەن،
ەر-توقىمسىز كۇرەڭى جەتەگىندە...
قالىپ قويدىم، تۇسە الماي، شىڭ باسىندا،
كەش تە كەلدى، اينالدى ءتۇن باسۋعا.
شىڭ باسىنان تۇسە الماي اۋرەلەنەم،
ءبىر مينۋتىم تەڭ بولىپ ءبىر عاسىرعا...
ۇيىقتاسام تۇسىمە ىلعي تاۋ كىرەدى.
تۇسىنبەيمىن نەعىلعان تاعدىر ەدىڭ؟!
...تاۋدا جورتقان تاعىداي العىر ەدىم،
العىرلىعىم قاي جاقتا قالدى مەنىڭ؟..

---