![ۇقشۇ-نىڭ ىدىراۋ پروسەسى باستالدى](http://infohub.kz/uploads/thumbnail/20240312210917265_big.jpg)
- 12 ناۋ. 2024 21:09
- 1500
كەرىمسال جۇباتقانوۆ، تاريح عىلىمدارىنىڭ كانديداتى، قازاق - ورىس حالىقارالىق ۋنيۆەرسيتەتىنىڭ دوسەنتى
ۇقشۇ-نىڭ ىدىراۋ پروسەسى باستالدى
ارمەنياۆ باسشىسى نيكول پاشينيان ەلىنىڭ ناتو-نىڭ رەسەيلىك انالوگى – ۇقشۇ-دان شىعاتىنىن مالىمدەدى.ارمەنيا ماسكەۋگە ۋلتيماتۋم قويىپ، ۇجىمدىق قاۋىپسىزدىك شارتى ۇيىمىنان (ۇقشۇ) شىعامىز دەپ قورقىتتى.تالاپتاردى پرەمەر-مينيستر نيكول پاشينيان ايتتى.
پاشينيان ارمەنيانىڭ ۇقشۇ-عا قاتىسۋىنىڭ توقتاتىلعانىن راستاپ، ەل وكىلىنىڭ ۇيىمنان شاقىرتىلىپ الىنعانىن، ال ارميانداردىڭ دا جينالىستار مەن كەزدەسۋلەرگە قاتىسپايتىنىن اتاپ ءوتتى.
«ءقازىر ءبىز ۇقشۇ-داعى قۇرمەتتى ارىپتەستەرىمىزدەن ارمەنياداعى ۇقشۇ-نىڭ جاۋاپكەرشىلىك سالاسى قانداي دەگەن سۇراققا جاۋاپ بەرۋىن كۇتەمىز جانە تالاپ ەتەمىز»، - دەدى پاشينيان. ول ۇيىم ارمەنيانى قانداي شەكارادا قورعاۋعا دايىن جانە مۇلدە دايىن با دەگەن سۇراققا جاۋاپ بەرگىسى كەلمەيتىنىن ءتۇسىندىردى.
پاشينيان ەگەر ۇقشۇ ازىربايجانمەن قاقتىعىستارىندا ارمەنيانىڭ مۇددەسىن ەلەمەيتىن بولسا، بۇل ەل بۇل ۇيىمعا مۇشەلىكتەن باس تارتاتىنىن اشىق ايتتى. «ايتپەسە، ارمەنيا رەسپۋبليكاسى ۇقشۇ-دان شىعادى»، - دەدى پرەمەر-مينيستر. ءبىراق مەرزىمدەرىن ايتۋعا پاشينياننىڭ باتىلى بارمادى.
رەسەيلىك ساراپشى ەل ميۋريد (اناتوليي نەسمييان) ارمەنيانىڭ ۇقشۇ-دان شىعۋى ءقازىردىڭ وزىندە ءسوزسىز دەگەن پىكىر ءبىلدىردى. ەريەۆان ۇيىمنان شىعۋ مۇمكىندىگىن كۇتىپ وتىر. بۇل رەسەيلىك بلوك ءوزىنىڭ تولىق دارمەنسىزدىگىن كورسەتكەندىكتەن، باسقا ەلدەر دە ونى ارتتا قالدىرا باستايدى دەۋگە نەگىز بار.
«شاماسى، ارمەنيا ۇقشۇ-دان شىعۋ تۋرالى شەشىم قابىلدانىپ قويعان سياقتى. بارلىق ماسەلە بۇل شەشىمدى قانداي دا ءبىر تۇردە رەسىمدەۋ جانە وعان سەنىمدى سەبەپ جاساۋ.ماسەلە باسقا: ۇقشۇ ءۇشىن بۇل ءبىر رەتتىك وقيعا بولادى نەمەسە باسقا ەلدەر دە شىعۋ نەمەسە تاراتۋ ماسەلەسىن كوتەرەدى»، - دەپ جازدى رەسەيلىك ساراپشى.