![ۇرەيگە بوي الدىرماي، ۇيلەردەن ەۆاكۋاسيالاۋ: الماتىدا 21 مامىردا سەيسموجاتتىعۋ وتەدى](http://infohub.kz/uploads/thumbnail/20240520094016425_big.jpg)
- 20 مام. 2024 09:40
- 286
ۇرەيگە بوي الدىرماي، ۇيلەردەن ەۆاكۋاسيالاۋ: الماتىدا 21 مامىردا سەيسموجاتتىعۋ وتەدى
الماتىدا جالپى قالالىق سەيسموجاتتىعۋ وتكىزىلەدى، دەپ حابارلايدى infohub.kz ءتىلشىسى. 21 مامىر cاعات 10:00-دە بۇكىل قالادا سيرەنالار قوسىلادى.
"اۆتوماتتى تۇردە تەلە- جانە راديوحابار تاراتۋ ارنالارىنىڭ ۇزىلۋىمەن "بارشاڭىزدىڭ نازارىڭىزعا!" دەگەن ەلەكترلىك سيگنالدار قوسىلىپ، حالىقتى جۇيەنىڭ تەحنيكالىق دايىندىعىن تەكسەرۋ جانە سەيسموجاتتىعۋدىڭ باستالعانى تۋرالى حاباردار ەتەدى"، - دەپ مالىمدەدى الماتى قالاسى توتەنشە جاعدايلار دەپارتامەنتى (تجد).
سيرەنو-سويلەۋ قۇرىلعىلارى ىسكە قوسىلعان كەزدە ءبىلىم بەرۋ مەكەمەلەرىندە، ادامدار كوپ جينالاتىن جەرلەردە سەيسموجاتتىعۋلار جۇرگىزىلىپ، ازاماتتاردى الدىن الا بەلگىلەنگەن ءقاۋىپسىز ورىندارعا ەۆاكۋاسيالاۋ ەلەمەنتتەرى پىسىقتالادى.
"وسىعان بايلانىستى الماتى قالاسى تجد تۇرعىنداردان ۇرەيگە بوي الدىرماۋدى، عيماراتتاردان (پاتەرلەردەن، ۇيلەردەن، تۇراقتى تۇراتىن ورىنداردان) ەۆاكۋاسيالاۋ ەلەمەنتىن پىسىقتاۋعا قاتىسۋدى سۇرايدى"، - دەپ قوستى ۆەدومستۆو وكىلدەرى.
تجد مالىمەتىنشە، قالادا باسپاناسىز قالعان "جابىرلەنۋشى" حالىقتى قابىلدايتىن بارلىق 384 پۋنكت ءىس جۇزىندە اشىلادى.
-
ادىستەمەلىك ۇسىنىستار 2-سىنىپ ءبىلىم الۋشىلارىنا «دۇنيەتانۋ» ءپانى بويىنشا جيىنتىق باعالاۋدى جوسپارلاۋ، ۇيىمداستىرۋ جانە وتكىزۋگە كومەك قۇرالى رەتىندە قۇراستىرىلعان. بۇل ۇسىنىستار (قازاق تىلىندە ءبىلىم بەرەتىن) باستاۋىش سىنىپتىڭ (1-4 سىنىپتارى) «دۇنيەتانۋ» ءپانى بويىنشا وقۋ باعدارلاماسى جانە وقۋ جوسپارىنىڭ نەگىزىندە دايىندالعان.