![ۆەنەسيا قالاسى](http://infohub.kz/uploads/thumbnail/20240119213022795_big.jpg)
- 28 ناۋ. 2015 00:00
- 219
ۆەنەسيا قالاسى
ۆەنەسيا — يتالياداعى قالا، ۆەنەتو اكىمشىلىك ايماعىنا قاراستى ۆەنەسيا پروۆينسياسىندا ورنالاسقان. الىپ جاتقان جەر اۋماعى 412 كم² شاماسىندا.
ۆەنەسياداي سوڭعى بەس عاسىردان بەرى وزگەرمەگەن كۇيىندە تۇرعان ەكىنشى شاھار جوق. راسىندا مۇندا ءبارى دەرلىك ءباز-باياعى قالپىندا ساقتالعان. مۇندا ەشنارسە وزگەرە-دە قويۋى قيىن. مۇندا بىرنەشە عاسىردان بەرى، قالادا جاڭا عيمارات سالىنبايدى، سالام دەسەڭىز دە رۇحسات ەتىلمەيدى، قۇرىلىس جۇرگىزەتىن الاقانداي جەر جوق.
ۇلكەن كانالدىڭ (Canal Grande) جاعالاۋىندا 170-تەن استام ۇيلەر، عيماراتتار بار. بۇل عيماراتتاردىڭ كوبىسى 13-18 عاسىردىڭ ارالىعىندا سالىنعان. قوعامدىق كولىكتەر سۋ اۆتوبۋستارى مەن جەكەمەنشىك سۋ تاكسيلەرى بولىپ تابىلادى. تۋريستتەر كانالدى گوندولامەن (ەسكەكتى قايىق) ارالايدى.
گوندولا – ۆەنەسيانىڭ ءداستۇرلى ەسكەكتى قايىعى جانە ۋاقىتتى راحات، رومانتيكالىق جاعدايدا وتكىزۋ قۇرالى. گوندولەرلەر (گوندولا ەسكەكشىلەرى) ادەتتە ءانشى ادامدار بولىپ، قالانى ارالاۋ بارىسىندا ءجيى ءان شىرقايدى.
كۇرسىنۋ كوپىرى – ۆەنەسيانىڭ ەسكى كوپىرلەرىنىڭ ءبىرى. بۇل كوپىردى 1602 جىلدارى انتونيو كونتين اتتى ارحيتەكتور سالعان ەكەن. كوپىر دودج عيماراتى مەن تۇرمە عيماراتىن بايلانىستىرىپ تۇرادى. “كۇرسىنۋ” دەپ اتالۋىنىڭ سەبەبى، سوتتالعان ادامدار تۇرمەگە قامالار الدىندا وسى كوپىردەن قالاعا سوڭعى رەت قاراپ ءبىر كۇرسىنىپ تۇرمەگە جابىلادى ەكەن.
اۋليە مارك شىركەۋى قالاداعى ەڭ تانىمال عيماراتتاردىڭ ءبىرى جانە ۆيزانتيا ارحيتەكتۋراسىنىڭ بىردەن ءبىر مىسالى.
ۆەنەسيا كانالدارىنىڭ ءبىرى.
ءقوناقۇيىڭىز كانالدىڭ ۇستىندە ورنالاسقان بولسا، ەسىكتەن شىعا سالىپ سۋ تاكسيلەرىنە مىنە سالاسىز.
سان - دجوردجو مادجورە - ۆەنەسيا ارالدارىنىڭ ءبىرى. بۇل ارال سان - دجوردجو مادجورە شىركەۋىمەن تانىمال.
گوندوليەرلەر ارنايى ەسكەكتەۋ وقۋىنان وتەدى، سودان كەيىن ەمتيحان تاپسىرىپ ارنايى ليسەنزيا الادى.
التىن باس.
مەيرامحانا.
ريالتو كوپىرى ورتالىق كانالدىڭ (Canal Grande) ءتورت كوپىرىنىڭ ءبىرى بولىپ تابىلادى.
كىشكەنتاي الاڭ
سۋرەتتەر worldatlas.com سايتىنان الىندى