АҚШ-тың Аризона штатындағы Финикс қаласында орналасқан Turning Point USA ұйымының штаб-пәтерінде жаңадан ашылған оңшыл белсенді Чарли Кирктің ескерткіші бүлдірілді, деп хабарлайды infohub.kz сайты.
Мүсінге қызыл бояу шашып кеткен. Ескерткіштің алдындағы қабырғадағы Киркке арналған мемориалдық плакат та қызыл бояумен бүлдірілген. Сонымен қатар Финикстегі Кирк туралы тағы бір плакатқа да зақым келтірілген.
«Біз мүсінді қалпына келтіріп, маңдайшаларды ауыстырамыз. Сонымен қатар оқиғаның бейнежазбасын қарап, кінәлілерді анықтау үшін құқық қорғау органдарымен жұмыс істеп жатырмыз. Оларды жауапкершілікке тартамыз», — делінген Turning Point USA мәлімдемесінде.
Биіктігі 8 фут болатын мүсін 10 қыркүйекте Кирктің қаза тапқанына бір жыл толуына орай орнатылған болатын.
Дональд Трамптың маңызды одақтасы саналған Кирк Юта штатында Turning Point USA ұйымының іс-шарасында атып өлтірілген еді.
Жуырда Юта штатының судьясы Киркті атып өлтірді деп айыпталған адамды ауырлататын мән-жайлардағы қасақана кісі өлтіру қылмысы бойынша сотқа тарту туралы шешім шығарды. Бұл — айыпталушы кінәлі деп танылса, өлім жазасына кесілуі мүмкін ауыр қылмыс санаты.