Қызылорда облысы,
Қазалы ауданы, Қазалы ауылы, №9 Балауса балабақшасының тәрбиешісі
Алпысбаева Күміскүл Әбдіғаниқызы
Мектепалды даярлық тобы

Дәстүр күні
Мақсаты: Балаларды өз еліне, жеріне, туған халқына деген сүйіспеншілік сезімін оятып, ата-баба дәстүрі арқылы адамгершілікке тәрбиелеу.
Тәрбиеші: Ата дәстүр салтымыз бабадан қалған өнеге
Сол тәліммен еліміз өркен жайып гүлдеуде
Құтты болсын баршаға 20 жылдық тойымыз
Тәуелсіздік туымыз көгімізде желбіре - деп баршаңызды Тәуелсіз Қазақстанның 20 жылдық мерекесімен құттықтаймыз!
Көрініс:
(Зере әже үйінде ұршық иіріп отырады).
Тәрбиеші: (Балаларды алып сырттан келеді).
- Балалар біз бүгін ауылымыздың анасы, даналы сөздің де шебері, ұлтымыздың қолөнерінің де шебері Зере әжейдің үйіне қонаққа барамыз.
Қане балалар біз барған соң Зере әжемен қалай амандасамыз.
- Амансыз ба әжей.
- Сәлем бердік әже т. б
Онда бәріміз саяхатқа дайындалайық
(екі-екіден қол ұстасып саппен жүріп. «Бақытты балалық шақ» өлеңімен Зере әженің үйіне барады)
Зере әже алдарынан шығып:
- Өркендерің өссін, талаптарың өрлей берсін деп қарсы алады
Төрлетіңдер балалар! (балалар әженің қасына барып отырады. осы кезде даладан бір бала сүйінші сұрап келеді)
- Сүйінші әже. Сүйінші! Кіші келініңіз босанды немерелі болдыңыз!
Зере әже: О, айналайын мә, сүйіншің жақсылық хабарың үшін міне батам
Өмірің ұзақ болсын өркенің өссін балам! Міне «құтты қонақ келсе қой егіз табады»,- деді атам қазақ. Балалар сендердің қадамдарың құтты болды, дүниеге немерем келді рахмет сендерге.
Тәрбиеші:Біз сізді Тәуелсіздік мерекесімен құттықтағалы келген едік жақсылық хабардың үстінен түстік олай болса біздің де сізге сыйымыз бар. Олай болса айтыс өнерінің бір үзіндісін тамашалайық

Айтыс
Ақнұр:
Тәуелсіздік тойында
Кім айтысар менімен
Айтыс-айтыс болады
Айтысқанда теңімен
Аяжан:
Айтыс айтыс болады
Шықса ақын теңімен
Шешен болсаң көрейін
Айтысып көр менімен
Ақнұр:
Е-е-ей
Бес нәрседен қашық бол
Бес нәрсеге асық бол
Қоса алдың ба мән беріп
Қанша болды санап көр
Аяжан:
А-а-хау
Бірге төрт бес болады
Оны бәрі білетін
Сен дейсің бе саусағын
Санай алмай жүретін
Зере әже:
Ой, балалар өнерлерің өрге жүзсін! Мені бір қуантып тастадыңдар. Енді сендер менің немеремнің бесікке салу рәсімін көріп, тыштымасынан ауыз тиіп кетіңдер.
Зере әже:
Әкеліңдер немеремді
(Бесікке салу рәсімін көрсетеді)
Балалармен қосылып «бесік жырын» айтады
Әлди-әлди ақ бөпем
Ақ бесікке жат бөпем
Жылама бөпем жылама
Жілік шағып берейін
Ақ қоянның құйрығын
Жіпке тағып берейін
Жылама бөпем жылама

Зере әже:
Ой балапандарым, өте ақылды, өнерлі, мейрімді екенсіңдер. Мен сендерге бата беріп жіберейін
Әлемнің бетін жарық ет
Ұл-қызды түгел білімді ет
Ақылың ассын
Ықыласың тасысын
Балабақшаларыңа шаттық үйірілсін
Достарың көп болсын!
Тәрбиеші:
Зере әже сізге көп рахмет біз енді саяхатымызды аяқтаймыз
Әліде Зере әжейдің үйіне қонаққа келеміз ғой балалар жарай ма?
Келесі жолы «Тұсаукесер»тойына келеміз
Қане балалар Зере әжеймен қоштасайық
Балалар:
- Қош болыңыз әжей
- Сау болыңыз!