Оңтүстік Африканың солтүстік-шығысындағы Мпумаланга провинциясында заңсыз аталған оңалту орталығынан 200 адам, оның ішінде тізбекпен байланғандар табылды. Бұл туралы infohub.kz сайты хабарлайды.
Шіркеу ғимаратында орналасқан нысан бейсенбі күні жергілікті билік өкілдерінің арнайы операциясы барысында анықталды. Ресми мәліметке қарағанда, тексеру кезінде «адам төзгісіз жағдайлар» ашылған: кейбір емделушілердің «бүкіл денесі жараға толы» болса, «басқалары бір-біріне тізбекпен байланған» күйде табылды.
Орталықты басқарған жұбайлар — пастор мен оның әйелі — адам ұрлау айыбымен ұсталып, қамауға алынды. Тергеу барысында оларға қосымша айыптар тағылуы мүмкін. Ұсталғандар әзірге ешбір түсініктеме берген жоқ.
Соңғы жылдары Оңтүстік Африкада есірткі тұтынудың күрт өсуіне байланысты заңсыз оңалту орталықтары көбейіп кеткен. Өткен жылы әлеуметтік даму департаменті ел бойынша, көбінесе Гаутенг провинциясында, 100-ден астам заңсыз мекеменің жұмыс істеп жатқанын анықтағанын мәлімдеді.
Департаменттің жұма күні таратқан хабарламасына сәйкес, осы орталықтан табылған адамдардың бір бөлігі дәл сол Гаутенг өңірінен келген.