Sidneydiń ońtústik-baty synda turatyn 18 jastaǵy Lili Xuper sársenbi kúni taýǵa serýendeýge shyǵyp, qaıtyp oralmaǵanyna baılanysty izdeý jumystary jalǵasýda. Jańa Ońtústik Ýels shtatynyń Ońtústik taýly aımaǵyndaǵy Nattaı ulttyq saıabaǵynda izdeýge senbi tańerteń jańa toptar qosyldy, dep habarlaıdy infohub.kz saıty.
Lili Xuper 12 tamyzda tańǵy 8-de úıinen shyǵyp, otbasyna Mittagon qalasy men Nattaı ulttyq saıabaǵynyń arasyndaǵy aýmaqqa serýendeýge baratyny aıtqan. Tájirıbeli serýenshi sol kúni keshke qaıtyp oralmaǵan soń, ony izdeý bastaldy. Kúndiz saıabaqtan habarlama jibergenimen, keıin baılanysqa shyqpaǵan.
Sol túni saǵat 23:00 shamasynda onyń kóligi Haı Reındj aýdanyndaǵy Vangan derri jolynda, Bonnum Pik serýen jolynyń basynda turǵan kúıinde tabyldy. Senbi kúni Jańa Ońtústik Ýels polıtsıasynyń málimdemesinde, alǵashqy anyqtaýlar boıynsha Xuper sársenbi kúni tańǵy ýaqytta Bonnum Pik shyńyna jetken, biraq odan keıin eshqandaı baılanysqa shyqpaǵany aıtylǵan.
Izdeý jumystaryna jerlikti polıtsıa, aımaqtyq polıtsıanyń qutqarý toby, Jańa Ońtústik Ýels jedel járdem qyzmeti, órt sóndirý qyzmeti, tótenje jaǵdaılar qyzmeti jáne Xuperdiń otbasy músheleri qatysýda. Býǵan qosa, juma kúni qorǵanys kúshteriniń áskeri qyzmetkerleri de izdeýge qosyldy. Izdeýge dron dar, tıkúshaq, arnaıy qutqarýshylar men treıl-baık júrgizýshileri jumyldyrylǵan.
Polıtsıa ákiliniń aıtýynsha, izdeý túni boıy jalǵasyp, senbi kúni tańǵy 7-de saıabaqqa jańa toptar kelgen. Juma kúni detektiv inspektor Bendjamın Boulz Xuperdiń qaýipsizdigine alańdaýshylyq bildirgen. Degennen, ol Xuperdiń tájirıbeli serýenshi ekenin eskerep, úmitin úzbeıtin aıtty.
«Biz onyń qandaı jabdyqtarmen birge bolǵanyn tolyq rastaı almaǵan byz, biraq ony áman-esen tabamyz degen úmitimiz bar», — dedi ol. «Bul jaı ǵana keshigip qalǵan serýenshi degennen basqa eshqandaı aqparat joq».
Jańa Ońtústik Ýels premer-ministri Kris Minn s juma kúni jýrnalısterge «jaqsy jańalyqqa dýǵa etip jatqanyn» aıtty. «Bizdiń júregimiz sol jas serýenshiniń otbasy men birge. Bul olar úshin óte aýyr jáne qobaljýly sát ekenin túsinemiz», — dedi ol.
Xuper — aq násildi, boıy shamamen 175 sm, aryq, uzyń aqshyl shashty, kógildir kózdi. Ony sońǵy ret jeıde men short kıgen kúıinde kórgen. Polıtsıa onyń serýenge qandaı kıim nemese jabdyq alǵany belgisiz ekenin aıtty.
Polıtsıa Xuperdi kórgen nemese onyń qaıda ekeni týraly aqparaty bar adamdardy, sondaı-aq sársenbi kúni Bonnum Pik serýen jolynda bolǵandardy Moss Veıl polıtsıa bólimshesine (02 4869 7899) nemese Crime Stoppers (1800 333 000) telefon daryna habarlasýǵa shaqyrady.