Талдықорған қаласы,
№16 орта мектеп - гимназиясының
математика пәнінің мұғалімі
Сапарғалиев Марат Тілеуліұлы

8 сыныпта «Геометрия» пәнінен «Тік төртбұрыш» тақырыбына сабақтың қысқа мерзімді жоспары
Сабақ тақырыбы: Тік төртбұрыш
Сабақтың мақсаттары: а) оқулық: оқушылардың тік төртбұрыш жайындағы білімдерін жалпылау, тіктөртбұрыштың диагоналдарының теңдігінің дәлелдеуін меңгерту, тік төртбұрышқа берілетін есептерді шешуді үйрету;
ә) дамытушылық: оқушылардың ойлау қабілеттерін, ой ұшқырлығын дамыту;
б) тәрбиелік: оқушыларды ұқыпты болуға, тиянақтылыққа, көпшіл болуға тәрбиелеу.
Оқыту нәтижелері: - тік төртбұрыштың анықтамасын айта алады;
- тік төртбұрыштың диагоналдарының теңдігін дәлелдей біледі;
- тік бұрышты үшбұрыштың гипотенузасына жүргізілген медиананы есептей біледі;
- оқушылардың сыни тұрғыдан ойлауы дамиды.

Орындалатын іс - әрекеттер:
Мұғалімнің орындайтын іс - әрекеттері:
І. Ұйымдастыру кезеңі.
а) оқушыларды түгендеп, сабаққа қатысуын тексеру;
ә) оқушылардың сабаққа дайындықтарын тексеру.
б) сынып оқушыларын «төртбұрыш», «параллелограмм», «тік төртбұрыш», «квадрат» топтарына бөлу. Көшбасшыларға бағалау қағаздарын үлестіру.

ІІ. Үй жұмыстарын тексеріп шығу.
2. 1. Оқушылардың үй жұмыстарын тексеріп өту.
2. 2. Өткен тақырып білімдерін еске түсіріп өту:
1) Қандай төртбұрыш параллелограмм деп аталады?
2) Параллелограммның қандай қасиеттерін білесіңдер?

ІІІ. Жаңа сабақ тақырыбын таныстыру. Сабақ материалын сынып оқушыларымен топтасып жұмыс орындау көмегімен түсіну:

Анықтама: Тік төртбұрыш деп барлық бұрыштары тік болатын параллелограммды айтамыз.

Теорема: Тік төртбұрыштың диагоналдары тең болады.

Дәлелдеуін топтасып орындау.
Өз шешімдерін қорғау.

IV. Топтық жұмыс:
1 - тапсырма:
Тік төртбұрыштың қабырғаларының қатынасы 2: 3 қатынасындай, ал периметрі 40 см. Тік төртбұрыштың қабырғаларын табыңдар.

Шешуі:
Ені: 2х
Ұзындығы: 3х
Сонда: р=2(а+в)
2(2х+3х )=40
5x=40: 2
5x=20
x=4
Бұдан ені – 2х=24=8 см,
ұзындығы – 3х=34=12 см.

№77. Екі бұрышы тік болып келетін төртбұрыштың тік төртбұрыш бола бермейтінін көрсетіңдер.

V. Сергіту сәті. Гимнастикалық жаттығулар орындау.

VІ. Топтық жұмыс. №87. Тік төртбұрыштың бір бұрышының биссектрисасы қабырғасын қақ бөледі. Оның кіші қабырғасы 10 см. Тік төртбұрыштың периметрін табыңдар.

Толық нұсқасын жүктеу