1 маусым балаларды қорғау күніне арналған тақпақтар

Алақай ау, алақай.
Той тойлайық балақай.
Қызарғанша алақан,
Қол соғайық, балақай!

Біз бақытты баламыз,
Ақылдымыз, данамыз
Ертеңгі күні еліміздің
Батырлары боламыз.

Бақшамызда бүгін ұзақ ойнайық,
Балалар қорғау күнін тойлайық!
Алақай ау, алақай,
Той тойлайық балақай

Көк жиектен күлімдеп,
Маусымның таңы атты
Тұра қойшы күнім – деп,
Анаң сені оятты –
Даналардың тілегі,
Балалардың тілегі
Ауырмасын ешқашан
Аналардың жүрегі.

Алма сыйлап бөбекке
Алма ағаштар сарғайған
Төгілген тер шелектеп
Көрінеді маңдайдан.

Бізбен бірге бар әлем
Қуанады балаша
Қуанышқа бөленген
өмір қандай тамаша

Первый день июня – это
Наступило снова лето.
Пусть от края и до края
Расцветет земля родная.

Здравствуй, лето! Здравствуй, лето!
Ярким солнцем все согрето!
На полянку поспешим,
В ярком танце закружим!

Дружба народов – не просто слова,
Дружба народов – на веки жива
Дружба народов – счастливые дети,
Дружба народов - я, ты, он, она!

Бүгінгі еліміздің қырмызымыз,
Арайлы болашақтың ұл қызымыз.
Арасын жер мен көктің жалғайтұғын
Қанаты жарқыраған жұлдызымыз.

Баршамызды бала тілмен баурайтын,
Бала деген бір бақыт қой самғайтын
Ата - ананың арманы мен тілегін,
Бала емес пе бал бұлақтан жалғайтын
Сүйкімді періштелер сендерсің
Қандай бейне өздеріңе тең келсін!
Данышпан да, ғарышкер де, ғалым да,
Ең алдымен балалықты меңгерсін.

Жүздерінен мейірім мен нұр тамар
Алдарыңда жауқазындай құлпырған
Алаңсызда балғын шақты балалар
Құшақ жая қарсы аламыз сіздерді

Ортақ мекен жер шары,
Төбемізде бір аспан.
Барлық ұлттың баласы
Достығымыз жарасқан.

Жаз да келді көңілді.
Келді гүл мен өрнекпен.
Ел бақыты мерейлі,
Балалары әндетті.
Гүлмен келсін келер күн.
Бала бағы бар елдің
Балалардың күлкісі
Көркі, сәні әлемнің