Блогер әрі инфлюенсер Оксана Самойлованың адвокаты рэпер Джиганды ата-ана құқығынан айыру мүмкіндігі туралы сұраққа жауап берді, деп хабарлайды infohub.kz сайты.
Адвокат Олег Тонаканянның айтуынша, блогер Оксана Самойлова қорғаушылармен бірге рэпер Джиган атымен танымал Денис Устименко-Вейнштейнды ата-ана құқығынан айыру мәселесін талқыламаған.
«Оксанамен бұл тақырыпта әңгіме болған жоқ», — деді агенттікке берген сұхбатында ол Самойлова рэперді ата-ана құқығынан айыра ма деген сұраққа жауап бере отырып.
Оның айтуынша, заң бойынша ата-ананың әрекеті балаларға зиян келтіретіні анықталса, ата-ана құқығынан айыру сот тәртібімен жүзеге асады.
Еске салайық, бұған дейін БАҚ Джиган адамдарды кепілге алып, өз үйінде оқ атқан деп хабарлаған. 3 шілдеден 4 шілдеге қараған түні ол үй қызметкерлерін шақырып алып, қолына қару алып, анықтасу ұйымдастырғаны айтылады.
Ол қызметкерлерді қылмыс жасады деп айыптап, өмірін сақтап қалу үшін мойындауға шақырған. Басылым дерегінше, Джиган бір қызметкерді балаларға зорлық-зомбылық жасады деп мойындауға мәжбүрлеп, кейін оған оқ атып, қолы мен аяғынан жарақаттаған. Қалған қызметкерлерді опасыздық, ақпарат тарату және ұлтшылдық деп айыптаған. Сондай-ақ оларға қашуға мүмкіндік беріп, оқ атуды жалғастырған.