2026 жылғы 6 қарашадан бастап сағат 4:00-ден бастап Air Astana әуекомпаниясының Алматыдан ұшатын ішкі рейстеріне жолаушыларды тіркеу қайтадан Алматы халықаралық әуежайының Т-1 терминалында жүргізіледі. Бұл туралы әуекомпания жолаушыларға хабарлады, деп жазады infohub.kz сайты.
«Ауқымды реконструкциядан кейін жаңартылған Т-1 терминалында жолаушыларға қызмет көрсетуді қайта бастағанымызға қуаныштымыз. Заманауи инфрақұрылым, жақсартылған сервистер мен қолайлы навигация әуежайдағы уақытты жайлы етіп, жолаушыларға ұшу алдындағы рәсімдерден тезірек өтуге көмектеседі», — деді Air Astana компаниясының жердегі қызмет көрсету жөніндегі вице-президенті Александр Небога.
Әуежайда ұшу алдындағы рәсімдерді жеделдету үшін жолаушылар мен ұшу құжаттарын тексеретін бес автоматтандырылған пункт орнатылғаны хабарланды.
Осылайша, 6 қарашадан бастап Air Astana-ның ішкі рейстеріне тіркеу Т-1 терминалында, ал халықаралық рейстерге тіркеу Т-2 терминалында жүргізіледі.
«Air Astana жолаушыларға ұшу алдындағы барлық формальдылықтардан өтуге жеткілікті уақыт болуы үшін әуежайға ертерек келуді ұсынады», — делінген хабарламада.