Air Astana әуекомпаниясының бұрынғы басшысы Питер Фостер айына орта есеппен 57,6 млн теңге алған. Оның бір жылдағы сыйақысы 700 млн теңгеге жуықтаған, деп хабарлайды infohub.kz сайты.
Әуекомпания атқарушы органы мүшесінің 2025 жылдағы жиынтық сыйақысы 691,4 млн теңгені құрап, бұл алдыңғы жылмен салыстырғанда 31,6%-ға артқан. Есепті кезең бойы компания басқармасында бір ғана адам — бас атқарушы директор Питер Фостер болған.
Алайда 2026 жылдың 31 тамызынан бастап басшылық ауысты: Фостердің орнына Ибрахим Жанлыел келді, ол басқарманың жалғыз мүшесі болды.
Сонымен қатар, компанияның қаржылық нәтижелері онша оптимистік емес: Air Astana-ның 2025 жылдағы пайдасы 72,4%-ға төмендеп, 7 млрд теңгеге жеткен. Валюталық эквивалентте бұл көрсеткіш $13,6 млн құрады, ал бір жыл бұрын $49,4 млн болған. 2026 жылдың бірінші жартыжылдығында әуе тасымалдаушы $21 млн көлемінде шығынға ұшыраған.
Бұған дейін Air Astana 2026 жылдың бірінші жартыжылдығын кірістің өсуіне қарамастан шығынмен аяқтағаны хабарланған. Себеп — отын шығындары.
Еске салайық, Air Astana акцияларының 41%-ы «Самұрық-Қазына» қорына тиесілі, қалғандары биржада сатылады немесе миноритарлық акционерлерде.