АҚШ президенті Дональд Трамп әкімшілігі иммиграциялық шараларды күшейтетінін жариялады. Бұл өзгерістер мемлекеттік жәрдемақы алушыларға, шетелдік студенттерге, алмасу бағдарламаларына қатысушыларға және журналистерге әсер етеді. Бұл туралы infohub.kz хабарлайды.
18 қыркүйектен бастап, Medicaid және азық-түлік талондарын қоса алғанда, кейбір мемлекеттік жәрдемақыларды алу жасыл карта беруден бас тартуға негіз бола алады. Сонымен қатар, шетелдік студенттерге, алмасу бағдарламаларына қатысушыларға және журналистерге виза беру ережелері де өзгереді.
Студенттік және алмасу визалары ең көбі төрт жылға, ал журналистік визалар 240 күнге дейін беріледі. Қытай азаматтары үшін бұл мерзім 90 күнге дейін қысқартылды. Сондай-ақ, түлектердің АҚШ-та оқуды аяқтағаннан кейін болу мерзімі 60 күннен 30 күнге дейін қысқарды.