Америка Құрама Штаттары биылғы 30 қыркүйекке дейін Ирактан әскерін толық шығаруды жоспарлап отыр. Бұл туралы Ирак премьер-министрі Әли әз-Зейдидің Вашингтонға жасаған сапары барысында мәлім болды, деп хабарлайды infohub.kz сайты.
АҚШ президенті Дональд Трамптың айтуынша, ирак жерінде американдық әскерилердің болу қажеттілігі жойылған. Пентагон екі жыл бұрын жасалған келісімге сәйкес әскер шығару жұмыстары жүргізіліп жатқанын растады. Бұл келісімде тыйым салынған ИГИЛ тобына қарсы күрес миссиясын тоқтату көзделген. Әскер толық шығарылғаннан кейін бұл топпен күресті Ирактың қауіпсіздік күштері жалғастырады.
АҚШ әскерилері Иракта 2003 жылдан бері орналасқан. Контингент санының ең жоғары деңгейі 2007 жылы тіркеліп, 170 мың адамнан асқан. Кейіннен бұл көрсеткіш біртіндеп азайып, соңғы жылдары Иракта шағын әскери топ пен кеңесшілер ғана қалды.