АҚШ Либерияға 20 депортацияланған азаматты жіберді. Олар бейсенбі күні Монровия маңындағы Робертс халықаралық әуежайына жетті. Бұл — Африка елі қабылдайтын 1200 мигранттың алғашқы легі. Либерия-АҚШ келісімі Трамп әкімшілігінің иммиграцияға қарсы күресі аясындағы үшінші елдерге жасалатын ең ірі депортациялардың бірі болып табылады.
Либерияның ақпарат министрі Джеролинмек Пианың мәліметінше, 1200 депортацияланған азаматтың қатарында Африка елдерінің, сондай-ақ Солтүстік Америка, Оңтүстік Америка және Кариб аймағының азаматтары да бар.
Сейсенбі күнгі брифингте Либерияның әділет министрі Нату Освальд Тве көпшілігінің көші-қон заңнамасын бұзғанын, қаласа, Батыс Африка елінен баспана сұрай алатынын айтты.
Құқық қорғаушылардың айтуынша, Трамп әкімшілігі көбінесе құпия келісімдер аясында мыңдаған адамды өз елі емес, жиырмаға жуық елге депортациялаған. Олардың онға жуығы Африкада орналасқан.
Иммиграциялық адвокаттар Трамп әкімшілігі үшінші елдерге депортацияны баспана іздеушілерді өз елдеріне қайтарудың заңды айласы ретінде қолданатынын айтады.
Көп жағдайда мигранттар ешқашан болмаған немесе қауіпсіздігіне қауіп төнетін елдерге депортацияланып, олар қашып кеткен елдеріне қайтуға мәжбүр болады.