АҚШ мемлекеттік хатшысы Марко Рубио Венесуэлада президенттік сайлау өткізу туралы пікір білдіріп, олар елдегі жағдай тұрақтанғаннан кейін өтуі тиіс екенін атап өтті, деп хабарлайды infohub.kz.
Марко Рубионың айтуынша, Венесуэлада заңды сайлау өткізу қажет, алайда қазір «басты басымдық — елдегі жағдайды тұрақтандыру». «Сайып келгенде, билікті беру қажет. Бір сәтте барлық деңгейде заңды сайлау өтуі керек, адамдар үкіметтің заңды билікке ие екенін және халық таңдағанын білуі үшін. Бұған алғашқы қадам — ұлттық татуласу», — деді Рубио.
Ол сондай-ақ Венесуэлада көптеген экономикалық мәселелерді шешу қажет екенін атап өтті. Бұған дейін Венесуэла вице-президенті Делси Родригес елде жаңа сайлау республиканың барлық саяси күштері дайын болған кезде өтетінін мәлімдеген еді.
Еске салайық, 3 қаңтарға қараған түні Каракаста жарылыстар болды. Осыдан кейін Трамп АҚШ ауқымды соққылар жасағанын, ал Венесуэла президенті Николас Мадуро әйелімен бірге тұтқындалып, елден шығарылғанын мәлімдеді. Көп ұзамай Мадуро мен оның жұбайы Нью-Йорк сотында сөйлеп, өздеріне тағылған айыптар бойынша кінәсін мойындамайтынын айтты. Сондай-ақ Мадуро өзін «соғыс тұтқыны» деп атады. Венесуэла Жоғарғы соты ел вице-президенті Делси Родригес президент міндетін уақытша атқаратынын шешті.