Америка әділет жүйесі мемлекет басшысының баспасөзді шектеу құқығына күмән келтіретін үкім шығарды: CNN, MS NOW және Politico тілшілерінің Белый домға кіріуіне тыйым салу заңсыз деп танылды, деп хабарлайды infohub.kz сайты.
Deutsche Welle агенттігінің мәліметінше, судья Тимоти Келли АҚШ президенті Дональд Трамптың журналистердің рұқсаттарын жою туралы шешімі «олардың конституциялық құқықтарын бұзуы мүмкін» деп қаулы етті. Сот қаулысында американдық әкімшілік осы басылымдар өкілдерінің Белый домға кіруін қалпына келтіруге міндетті екені көрсетілген.
Еске салайық, 18 қыркүйекте АҚШ президенті CNN, MS NOW және Politico тілшілерінің Белый домға кіруіне тыйым салатынын мәлімдеп, бұны аталған басылымдар жалған жаңалықтар таратады деп түсіндірген болатын. Келесі күні-ақ осы редакциялардың журналистері ғимаратқа кіргізілмегенін хабарлады.
Кейінірек Дональд Трамп осы жаңалық ұйымдарының логотиптері бар қоқыс қаптарының суретін жариялады.
Осыдан кейін журналистеріне Белый домға кіруге тыйым салынған CNN, MSNBC және Politico президент Дональд Трампқа қарсы сотқа шағым түсіргені белгілі болды. Жанжал аясында бірқатар жетекші американдық БАҚ президент әкімшілігіне бойкот жариялады — телеарналар Белый дом басшысы қатысатын іс-шараларды пулдық жариялауды тоқтатты.