Ақтауда жазғы дәстүрге айналған ерекше концерттер — Каспий теңізінің дәл ортасында, сапбордтарда тұрып музыка тыңдайтын көрермендерге арналған шаралар танымалдыққа ие болуда. Ұйымдастырушылар романтикалық атмосфера мен ұмытылмас әсер уәде етеді, деп хабарлайды infohub.kz сайты.
Концерттер таңғы сағат 6:00-де, күн шыға бастағанда өтеді. Әртіс арнайы жүзбелі платформада орналасса, көрермендер сапта тұрып оны қоршап алады. Эксперимент басталған екі апта ішінде төрт концерт өтті: ақтаулықтар алдында скрипкашы, гитарист және қобызшы өнер көрсетті.
Әлеуметтік желілерде бұл концерттерді жаңа жазғы дәстүр деп атап, пайдаланушылар ұйымдастырушыларға мұндай сиқыр үшін алғыс білдіруде. Міне, кейбір пікірлер: «Бізге күннің осындай сиқырлы басталуын сыйлағандарыңызға рахмет», «Бұл сахна — нағыз манифест! Сіздің скрипкаңыз теңіздің дауылы арасында нағыз өнердің жалғыз тұрақты аралы екенін көрсетті, бүкіл әлем суға батып бара жатқанда», «Қандай жақсысыздар! Тамаша идея, Ақтау туризмін дамытуға қосқан зор үлес, гүлдену тілеймін».
Сапбордтарды жалға беретін компания өкілдерінің айтуынша, келесі концерт демалыс күндері жоспарланған. Бұл жолы көрермендер таңды саксофоншымен бірге қарсы алады. Билет бағасы әзірге белгісіз, алайда алдыңғы концертке билеттер 6 мың теңге тұрған.
Бұған дейін Ақтауда Джеки Чанның «Құдайдың сауыттары» франшизасының түсірілімі өтіп, желіде кейбір көріністердің кадрлары пайда болғаны хабарланған.