Ақтөбеде полиция қызметкерлері химиялық өңдеу арқылы есірткі жасады деп күдіктелген жергілікті тұрғындар тобын анықтады, деп хабарлайды infohub.kz сайты.
Ақтөбе облысы полиция департаментінің баспасөз қызметі нақтылағандай, ағымдағы жылдың 7 қазанында жедел-іздестіру іс-шаралары барысында Ақтөбеде химиялық өңдеу арқылы есірткі жасады деп күдіктелген жергілікті тұрғындар тобы анықталды.
«Көршілерді сұрау кезінде пәтерлердің бірінде азаматтардың жүйелі түрде жиналатыны, онда есірткі жасалған болуы мүмкін деген ақпарат алынды», — деді Ақтөбе облысы полиция департаментінде.
Тексеру барысында 5 шприц, сұйықтығы бар екі пластик ыдыс, кастрөлдегі 500 грамм дайындалған көкнәр қоспасы және пакеттегі 500 грамм пайдаланылған көкнәр тәркіленді.
Алынған заттар бойынша сараптама тағайындалды. Қазіргі таңда күдіктілерге қатысты бұлтартпау шарасын қолдану мәселесі шешілуде.
Осы факті бойынша Қазақстан Республикасы Қылмыстық кодексінің 302-бабының 1-бөлігі бойынша сотқа дейінгі тергеу жүргізілуде. Болған оқиғаның барлық мән-жайын анықтауға бағытталған қажетті тергеу іс-шаралары басталды.