Ақуызды шамадан тыс термиялық өңдеу оның қоректік құндылығын төмендетіп, сіңімділігін нашарлатады — ғалымдар осындай тұжырымға келді, деп хабарлайды infohub.kz сайты.
Зерттеушілер анықтағандай, ақуызды өнімдерге жоғары температураның ұзақ әсер етуі олардың химиялық құрылымын өзгертеді. Қатты қыздырғанда аминқышқылдары тағамның басқа компоненттерімен күрделі реакцияға түсіп, тұрақты қосылыстар түзеді. Соның салдарынан ағза ақуызды тиімді ыдыратып, тіндер мен бұлшықеттерді құруға қажетті маңызды қоректік заттарды алу қабілетінен айырылады.
Сонымен қатар етті, балықты және басқа да ақуызды өнімдерді қайта-қайта қуыру зиянды қосымша заттардың түзілуіне әкеледі. Қатты қуыру немесе қара қабықша пайда болғанша пісіру барысында гликирленудің соңғы өнімдері мен улы химиялық қосылыстар пайда болады. Олар ағзада қабыну процестерін тудырып, асқазан-ішек жолының жұмысына кері әсер етеді.
Зерттеушілер пайдасын барынша сақтау үшін анағұрлым жұмсақ аспаздық өңдеу тәсілдерін таңдауды ұсынады. Буға пісіру, баяу отта қайнату немесе қалыпты температурада бұқтыру ақуыздың құнды қасиеттерін сақтауға, оның жеңіл сіңуін қамтамасыз етуге және денсаулыққа төнетін қауіпті азайтуға көмектеседі.