Қазақстан үкіметі өз резервінен Жетісу облысындағы Алакөл көлінде қорғаныс бөгетін салуға 3 млрд теңге бөлді. Тиісті қаулыға премьер-министр Олжас Бектенов қол қойды, деп хабарлайды infohub.kz.
Қаржыландыру жалпы ұзындығы 6 шақырым болатын қорғаныс бөгетін салуға мүмкіндік береді. «Оның 2,5 шақырымы Көктұма ауылына, 3,5 шақырымы Ақши ауылына тиесілі», — деп үкімет түсіндірді.
Жағалауды нығайту бойынша белсенді жұмыстар 2025 жылы басталған еді. Сонда 1,7 шақырым учаскеде мамандар топырақ және бетон жұмыстарын жүргізіп, габион құрылымдарын төсеп, беткейді нығайтты.
Бөгет тек тұрғын үйлер мен демалыс аймақтарын қорғап қана қоймай, Алакөлдің туристік әлеуетін одан әрі дамытуға серпін береді. Соңғы екі жылда Қазақстанның алты өңірінде (Ақмола, Ақтөбе, Батыс Қазақстан, Қостанай, Солтүстік Қазақстан және Павлодар облыстары) 243 шақырымнан астам қорғаныс бөгеттері салынып, нығайтылды.
Үкімет су және туристік инфрақұрылымды дамыту жөніндегі жобалардың іске асырылуы кабинеттің тұрақты бақылауында екенін сендірді.