Қазақстанның бірінші ракеткасы Александр Бублик Аустрияның Кицбюэль қаласында өтіп жатқан кәсіби теннисшілер қауымдастығының (ATP) 250 санатындағы турнирінің екінші айналымында жеңіске жетті, деп хабарлайды infohub.kz сайты.
Әлемдік рейтингте 11-орында тұрған және турнирде бірінші нөмірдегі себілген спортшы екінші айналымда аргентиналық Факундо Диас Акостамен (әлемдік рейтингте 108-орын) кездесті. Матч екі сетке созылып, Бубликтің 6:3, 7:5 есебімен жеңісімен аяқталды.
Теннисшілер кортта 1 сағат 20 минут өткізді. Осы уақыт ішінде Александр сегіз эйс жасап, бір қос қателік жіберіп, жеті брейк-пойнттың екеуін пайдаланды.
Жартылай финалға шығу үшін Бублик словакиялық Алекс Молчан мен неміс Даниэль Альтмайер арасындағы кездесудің жеңімпазымен ойнайды.