25 қыркүйекте Алматы әуежайында ерекше оқиға болды: «Алматы — Астана» рейсіне отырғызу кезінде жолаушылардың бірі ұшақтан кенеттен түсіп кетті. Көлік полициясы ер адамды ұстап алып, анықтау үшін полиция бөліміне жеткізді, деп хабарлайды infohub.kz сайты.
Көліктегі полиция департаментінің дерегінше, тәртіп бұзушы — Астананың 35 жастағы тұрғыны. Ол Қазақстан Республикасының Әкімшілік құқық бұзушылық туралы кодексінің бірнеше бабы бойынша әкімшілік жауапкершілікке тартылды.
«Жолаушы ҚР ӘҚБтК-нің бірнеше бабы бойынша — 434-баптың 1-бөлігі, 440-баптың 1-бөлігі, 441-баптың 1-бөлігі, 566-баптың 1-бөлігі, 564-баптың 4-бөлігі бойынша әкімшілік жауапкершілікке тартылды», — делінген хабарламада.
Атап айтқанда, сөз қоғамдық орындарда мас күйде жүру, ұшу қауіпсіздігі ережелерін бұзу және ұсақ бұзақылық туралы болып отыр.
Kozachkov offside Telegram-арнасы ұшудан бас тартқан жолаушы бокстан олимпиада чемпионы Данияр Елеусинов болған деп хабарлады. Жарияланымда ер адам ұшу алдында дәл сол сәтте ұшпауды шешкені айтылған.
Көліктегі полиция департаментінде жолаушының есімін нақтыламады.
«Көліктегі ПД заң барлығына бірдей екенін және заңнама талаптары лауазымына, мәртебесіне және әлеуметтік жағдайына қарамастан әркімге қатысты екенін еске салады. Азаматтарды жоғары құқықтық мәдениет танытуға, басқа жолаушылардың құқықтарын құрметтеуге және көлік нысандарында қауіпсіз орта қалыптастыруға құқық қорғау органдарына жәрдемдесуге шақырамыз», — деп қосты полицияда.